لقاء كارثي
لقاء كارثي
شاركوا الفرحه صحابه و حبايبه حماده وعادل دخلوا ورقصوا معاهم
سلامه كان فرحان بشكل ميتوصفش شد ابوه يرقص معاهم و جري علي عشري الكبير جابه الشباب بقوا مهيبرين اكتر و الكل مبسوط والد حسان كمان شاركهم و كان فرحان اوي
رقصوا معاهم شويه و بعدين سابوا الشباب ترقص مع بعض
اشتغلت اغنيه مش حبيبي بس بتاعت انغام
سلمي و ايه والبنات وقفوا يرقصوا مع بعض و يغنوا للشباب كان شكلهم يجنن و بعدين قربوا من الشباب كل واحده فيهم رقصت بطريقتها مع نصها التاني
سلمي حطت أيدها علي دقن حسان و فضلت تغنيلوا وهو مبسوط و بيرقص معاها
ايه حطت أيدها كتف سلامه و غنت ورقصت بشقاوه
نادين رقصت مع عسال مسكها من وسطها و كان عمال بغني معاها و مبسوط
نعيمه ضمت فضل وفضلت ترقص بداع و تتحرك علي الاغنيه و تبصلوا وتغنيلوا
ايمي و رشيد كانوا في حته تانيه روقان و دلع و جرأه في النظرات والحركات ولا كأن حد معاهم
اما ليله والبلطجي بتاعها كمان كانوا في عالم خاص بيهم
ليله طبعا ريأكشانتها و جمال حركاتها بتموته كان لافف دراعه علي وسطها و ايده التانيه علي دقنها و عمال يحرك كتفه معاها بحب
كملوا اغنيتهم بسعاده و بعدين رجعوا تاني اتجننوا مع بعض
ايه….بت يا نوني الساعه كام
نعيمه….بضحك الله يحرق الساعه علي اللي جابوها لسه بدري يا حزينه علي 11
ضحكت هي و ايه و رجعت رقصت تاني
سلامه…..بهمس فضل فضل
فضل…..ايه
سلامه….انا عطشان اوي
فضل….استني هجيبلك
خرج فضل من الدايره بتاعتهم وراح بسرعه جاب ازازه وقرب منه بسرعه وهو بيفتحها وادهالوا
شرب سلامه كام حاسس ان ريقه ناشف من كتر الرقص والهيبره و الجنان
ليله….ايمي روحي اقعدي شويه
ايمي….اه انا مش قادره هقعد حبه
ليله….شويه و قومي
ايمي….طيب خليكي مع البنات
ليله….طيب براحه
رشيد….رايحه فين
ايمي…..هقعد شويه و ارجع
رشيد…تعبانه ولا ايه
ايمي….لا مش تعبانه بس هريح حبه
رشيد…طيب تعالي
خرجها بره الدايره وراح بيها علي التربيزه
ايمي….رجلك عامله ايه
رشيد….متقلقيش تمام
ايمي…طيب ريح شويه عشان هتتعب
رشيد….انا كويس والله متقلقيش
ايمي….ماشي يا قلبي
مسك حسان دماغه و مكانش قادر مبيحبش الدوشه والزحمه و كمان تعب من الهيبره دي و حس انه داخ بس مشك ايد سلمي و كان بيرقصها
عشري لمحوا وقرب منه
