لقاء كارثي

سلمي…. بابتسامه هو اكيد مش هيزعل منك

حسان…لا طبعا مش هيزعل احنا اصلا كلنا مفيش بينا الكلام ده يعني اللي موجود بيسد عن الباقي و الحمد لله عشري معاه و اكيد فضل و عسال

سلمي…..علي فكره لو حابب تروح معاه روح الصبح هيفرح اوي

حسان….بابتسامه ايه عايزه تخلصي مني من اول يوم كده

سلمي….بضحكه جميله لا خالص والله انا بس مش عيزاك تبقي مضايق عشان انت مش معاه

حسان…..لا مش مضايق كل الحكايه اني حابب اطمن عليه اصل رشيد علي قد ماهو يبان طول بعرض و يخض كده بس بيترعب من المستشفيات و بيقلب عيل صغير امه وخداه غصب عنه عشان ياخد حقنه

سلمي….بابتسامه ايمي بقالها كذا يوم هتتجنن منه بس متوقعش انه خواف للدرجه دي

حسان….بضحك لا هو هواف اكتر ما انتي متوقعه بصراحه سعلت بحس انه معاه حق يعني اصل جو المستشفيات ده مرعب انا عن نفسي مش بحبه خالص

سلمي….ايوه بس اوقات بنضطر نروح ونكشف

حسان…اكيد طبعا بس مع رشيد ممكن اوقات توصل معاه انه يداري تعبه عشان لا يروح مستشفى ولا دكتور ولولا ان رجليه باينه في المشي ان مشيته مش طبيعيه و وجعاه بجد كان خبي اصلا انه تعبان

سلمي….بضحك ااااه زي واحد صاحبنا كده لما جالي العيلده يتدلع و لما اتقفش عشان يعمل سنانه قلب بيبي

حسان….بضحك مين ده

سلمي….بضحك واحد كده اعرفوا طلع خواف شويه

قرب حسان بهدوء و هو مبتسم حط النسكافيه قدامها

حسان…..اه بس شويه مش كتير يعني

سلمي….بصراحه يعني هو جنني حبه بس بقي شاطر بعد كده

جاب القهوه بتاعته ولف قعد جنبها علي البار

حسان… بابتسامه علي فكره بقي انا لولا اني واثق فيكي مكنتش قعدت علي الكرسي ده لو هموت و انا في الحته دي عكس رشيد بقي يعني ممكن عادي اروح مستشفي دكتور ادخل عمليه مش مهم بس دكاتره الاسنان في بيني وبينهم حاجز كبير

سلمي….بضحك طب ليه كده بس

حسان….بخاف منهم بجد و مش بحب الادوات اللي بتشتغلوا بيها ولا بحب صوتها بحس صوتها بالنسبالي بجد مرعب

سلمي….بس وجع الاسنان من اقوي الوجع اللي ممكن تحس بيه يعني المفروض تحبنا لاننا بنريحكم

حسان….بابتسامه ماشي بس مرعبين برضوا انتوا و بصراحه انا ليا موقف معاهم يمكن ده اللي عملي عقده

سلمي…..موقف ايه

حسان…..زمان وانا صغير كنت صغير اوي تقريبا ست سنين او سبع سنين تعبت و روحت عياده او مستوصف بتوع زمان دول تبع التأمين الصحي كنت في سنه اولي باين المهم الدكتور معرفش قال ايه لامي و قالها مش هيديني بنج و هخلعلي ضرسي من غير بنج اصلا و فاكر انا وقتها فرجت عليهم امة لا اله الا الله و من يومها بقيت بكرههم كلهم و اصلا معرفش ليه عمل كده