لقاء كارثي

عشري….ماشي يا عمري سلمي عليه كتير.

ليله…يوصل يا روحي

عشري…. بقولك ايه انا نصايه كده و رايح مع ميدو عند نادين هناخدها هي و نغم و يروحوا الشقه بتاعت نغم

ليله….ده ليه في حاجه

عشري….لا نادين هتبيعلها الشقه تقريباً وحابه تشوفها و تصورها و خايفه تروح لوحدها قالت لميدو و انا مش هسيبه لوحده اكيد الراجل شكلوا شمال يعني هو خالتها زي ما سمعتي من حسان كده

ليله….طيب تمام خد بالك بس من البنات و بلاش جنان يا بلطجي خلص ا وامشوا علي طول وحياتي

عشري….ما احنا هنعمل كده متقلقيش

ليله….وقفت هو انت مال صوتك يا قلبي حساك ليه نايم علي نفسك كده

عشري…..صداع هيفرتك دماغي يا ليله

ليله…..طيب من ايه ؟

عشري….والله ما عارف من شويه كده حسيت بصداع خفيف بس عمال يزيد

ليله……طيب ما تروح تقيس الضغط يمكن ضغطك مش مظبوط

عشري…..الوقت هقيسه و انا رايح انا وميدو

ليله….طيب عشري اوعي تسوق

عشري….لا ما هو ميدو قالي متاخدش العربيه هسوق انا بصراحه مصدقت لاني مش شايف

ليله….انت ليه مستني يعني ما تاخد ميدو و تروح تقيسه الوقت و خد علاج و كل حاجه تاني يمكن جوعت

عشري….مش جعان والله ولو كلت وانا مصدع كده هرجع

ليله….بابتيامه انت حامل ولا ايه يا بلطجي

عشري….بضحك جميله وحياة امك و لما بتقعي تحت ايدي صوتك بيجيب اخر الشارع

ليله….بضحك طب خلاص هسكت بس وحياتي روح قيس الضغط و طمني عليك

عشري….حاضر يا ست البنات كلهم شويه و هكلمك ماشي

ليله….ماشي يا عمري بحبك

عشري…..وانا بم/وت فيكي باي يا روحي

ليله……باي

دخلت ليله علي المحل بتاع مصطفي واول ما دخلت لاقيته في وشها ابتسم وراح عليها بسرعه

مصطفي….ايه ده المفجاه دي

ليله…..بضحكه جميله حبيب يا صاصا اخبارك ايه

مصطفي…..زي الفل انتي عامله ايه

ليله….انا بخير

مصطفي …تعالي ادخلي اقعدي هنا كده و هجيلك حالا

ليله….علي مهلك انا قاعده

دخل مصطفي علي جوه بسرعه غاب اربع خمس دقايق و خرجلها تاني و قعد معاها

مصطفي….ازيك يا ليله

ليله….بضحك اززززيك يا صاصا واحشني والله

مصطفي….انتي اكتر وحياة ربنا بقولك ايه انا مش هسااك تشربي ايه عشان بما انك هنا هجرب فيكي الجديد

ليله….لا بس انا لا جايه اشرب ولا اكل انا جايه هنا عشان حاجتين اعمل اوردر حلو علي زوقك لامونه و ظبط الدنيا دي حماتي يا ولا متفضحناش عايزه ادوقها عمايل ايدك