لقاء كارثي

عسال……و لما الناس مش فارقه معاكي ليه ريحتيهم و مشيتي طريقهم

مريم……بابتسامه عشان ابقي مريم العقاد خد بالك هي مش حاجه حلوه انك تكسب حب الناس بالفلوس او تكسب احترامهم او تفرض عليهم هيبتك وشخصيتك بس زمان مكنتش كده الناس بتشوفك حلو اوي و بيدوك عشره من عشره وانت ساكت و متداس عليك و كل حاجه حاضر ونعم جرب مره تقول لا هتبقي تسعه من عشره جرب تبطل تجامل هتبقي ثمانيه من عشره جرب تاخد رأيهم هتبقي سبعه من عشره جرب تمشي في طريق غير طريقهم هتبقي سته جرب تقول حقيقتهم في وشهم هتبقي خمسه جرب تخبي سر يخصك عنهم هتبقي وحش و تبقي اربعه جرب تنصح بالاصول و بكل صراحه هتبقي ثلاثه لانهم حابينك تبقي منافق جرب تركز مع نفسك وتحب نفسك شويه هتبقي اتنين من عشره جرب تفكر انك تبعد و تختار راحتك هتبقي واحد من عشره و دي كانت انا زمان و مكانش عاجب كنت ديما في عينهم عشره من عشره عشان ساكته و متداس عليا بس لما مريم بقي عندها ملايين و صاحبة املاك و صوتها بقي مسموع من غير كل اللي قولته ده بقيت مليون من عشره عشان بس الفلوس بعترف اني بقيت نسخه وحشه من نفسي بس مش عشان ارضيهم عشان ارضي نفسي

نغم……بتأثر مريم انتي بجد عندك كانسر؟ ولا بتكدبي عليا؟

مريم….بابتسامه ايه هصعب عليكي ولا ايه ؟ لا اوعي اصعب عليكي افرحي فيا يا نغم و خدي حقك علي الاقل تخفي شويه من ذنوبي قبل ما ام/وت
/
نغم….مريم انا مش بهزر

مريم….ولا انا التحاليل ظهرت و السرطان رجعلي تاني في القولون و مرحله رابعه و المفروض اني ابدأ جلسات الكيماوي كمان كام يوم

عارفه يا نغم بصت علي تامر و الشباب انتي ربنا بيحبك و بجد محظوظه عشان وقت في طريقك ناس ولاد حلال بجد بصت لتامر تاني و بالاخص استاذ احمد محترم وجدع الناس دي عوض ربنا ليكي يا نغم مش عايزبن منك حاجه ساعدوكي من غير مقابل كنت اتمني الاقي ناس في حياتي زيهم يمكن لو كنت لاقيت ناس شبههم كانت حياتي فرقت كتير كنت بقيت تاني خالص واحسن بس للاسف كل اللي جه في حياتي مكانش شبهي بوظوا حياتي قبل ما يبقي معايا فلوس و بوظوها اكتر بعد ما بقي معايا

ابتسمت بهدوء و بصتلهم انا ممكن اطلب طلب
بصولها و استنوا تقول

مريم…..انا المفروض هبدأ جلسات كيماوي و انتشار السرطان عندي سريع اوي جايز مكملش كتير و جايز متحملش انا بس كل اللي طلبته منكم تفضلوا مع نغم متسيبوهاش ملهاش حد البت دي غلبانه تبان قويه بس هي غلبانه اوي مش هتقدر علي الناس لوحدها محتاجه سند وضهر و عزوه نغم بتفكرني بيا و انا صغيره مكانش ليها حظ في العيله و الكل جاي عليها عشان لسه صغيره و مش معاها اللي يديها القوه عشان الكل يبقي معاها هتتاكل لو وقعت تحت ايدهم مش عيزاها بعد ما السنين تجري بيها تحس برضوا انها لوحدها مش عيزاها لما يبقي معاها فلوس تبقي نسخه مني الوقت