لقاء كارثي

عسال…..هو انا من رايي يعني الشقه فيها كل حاجه جديده فا ممكن تاخدي منها اللي ينفعك علي الاقل الاجهزه مثلا

نادين….ميدو معاه حق فكري قبل ما تبيعيها بالفرش لانك كده كده هتشتري فا بدل ما تشتري الحاجه موجوده

نغم…طيب هحطها فين الحاجه دي انا لسه اصلا ملاقتش مكان اقعد فيه عشان اخد فيه الحاجه

تامر……ملكيش دعوه هنتصرف هنلاقي الف مكان

عشري….لو علي الاماكن زي ما تامر قالك في اماكن كتير انا ممكن احلهالك دي اخوايت لسه متجوزوش و شققهم فاضيه تتغلف كويس و تتخط فيها

نادين….وليه انا بالفعل بدات اشوفلها بيت يعني من هنا لاسبوع اسبوعين بامر الله هنلاقي حاجه كويسه و اكيد مش هتتباع الشقه علي طول خلي الحاجه في مكانها لحد ما الشقه تيجي

عسال….وافرضي عرضتي الشقه و جالها مشتري ما هي لازم تبقي مجهزه نفسها انها تشيل اللي عاجبها هنا.

عشري….ما انا قولت لو حصل القصه بسيطه تتشال علي طول بس هو انتي يا نادين بتشوفي شثه مفروش و لا لا

نادين….لا المفروش ايجاره عالي يا عشري اوي و حرام تدفع مبالغ كبيره دي حتي لو معاها يعني الفلوس هتنفعها في حاجه تانيه و بما ان الفرش هنا موجود يبقي محلوله

تامر…..بس خدي بالك نغم بيتهيالي مش هتحتاج شقه كبيره

نادين…..لا انا قولتلها هجيبلها حاجه نظام استدوا يعني اوضه صاله ضغيره مطبخ تويلت وبس هتاخد من هنا اللي هي محتاجاه والباقي يتعرض مع الشقه ويتباع و هيجيب فلوس

عسال…..ماشاء الله سعر التكيفات اللي في الشقه لوحده يجيب مبلغ

عشري…….بالظبط كل حاجه جديده

تامر….بس خدوا بالكم اي حاجه بتتركب حتي لو مشتغلتش هينزل من تمنها كتير

نادين…دي حقيقه بس مش كتير للدرجه و انا في سعر الشقه هظبط الدنيا وهرفع السعر عشان لو حصل فصال اوصل للسعر اللي في دماغي و نغم مش هتخسر في حاجه متقلقش

عشري….ماشي بس هي الاول محتاجه تقول هتاخد ايه من الشقه عشان تعرفي وانتي بتعرضي تقولي ايه الي موجود وايه اللي مش موجود

نادين…..اكيد ايه يا نغم هتحتاجي ايه

نغم….هو انا بس الاول بصراحه قلقانه من حاجه

تامر….حاجه ايه

نغم….يعني هو هاني او حد منهم لو شافنا بننزل بالحاجه دي مش ممكن يحصل مشكله

تامر….ملهوش علاقه مبقتش حاجته

عشري….ولا يقدر ينطق متخافيش من القصه دي خالص