لقاء كارثي

بصوا كلهم لبعض و رجعوا بصوا لمريم تاني.

مريم….لما انغام م/اتت و عرفت بعدها انك كنتي عارفه كل حاجه انتي وهي من قبل ما هي تم/وت اصلا و بداتي تهددي فينا و اي حد يجي تقوليله هاني قالي هتفضحنا و هنروح في داهيه و اسمك هيتهز في السوق لازم نحبسها في البيت شويه مكانش قدامي حل الا اني اعمل كده

لان مكانش عندي استعداد اخسر كل حاجه يا نغم منعت اي حد يجي البيت و سيبتك في اوضتك من غير ما اجي جنبك بس بعد كده عندك ومحاولاتك للهروب و اني اعرف ان في حجات معاكي تثبت كل ده و خصوصا حوار م/وت انغام جنني مكنتيش عايزه تسمعي مني اني مليش دعوه بم/وتها ولا كنت اعرف اصلا ان هي عارفه انا لما هي كانت عايشه و انا مع هاني وهي وهو كانوا زعلانين من بعض انتي اكتر واحده عارفه اني كنت بصالحهم عملتلها عيد ميلادها في البيت و صالحتهم هاني لو كان راجل بحبه كنت هستغل اي حاجه عشان ابعدهم و من غير استغلال لو كنت طلبت من هاني يطلقها كان عمل كده من غير تردد عشان يرضيني او بمعني اصح عشان ميتحرمش من فلوسي بس ده كان اخر همي هتقوليلي طب ليه رضيتي تدخلي معاه في علاقه هقولك ربنا يكفيكي ضعف ست عرفت ان هي مش هتبقي ام و جالها مرض قعدت شهور تتعالج منه بالكيماوي بطولها من غير ما حد يعرف اه غلط بس نفسيتي كانت في الارض وخلتني الطش المهم حبستك و غلبت معاكي لحد ما الشيطان ده برضوا لعب في دماغي وقالي هنسكتها بطريقتي

وقتها لما ضربتك ولا قسيت عليكي صدقيني مكنتش انا كان في واحده بتحاول تنقذ اسمها و حياتها عشان خايفه ترجع تاني يتداس عليها و رغم ان اغلب العيله سمعوكي محدش وقف معاكي جايز صدقوكي بس مكنش حد يقدر يقف في وشي عشان فلوسي يا نغم يمكن بعترف اني لو كنت لاقيت واحد في العيله دي فوقني بقلم او وقف في وشي معاكي كنت فوقت بس هما كمان كانوا سبب في كل ده محدش وقف في وشي غيرك انتي عشان كده بحبك يا نغم لاني عارفه انك مش عايزه مني حاجه و لما كنت معاكي كنتي بتحبيني لنفسي انتي وانغام

نغم…..بدموع و صحيان الضمير ده جالك الوقت عشان عرفتي انك مش هتبقي ام اصدقك ازاي ده انتي لما ربنا عمل فيكي كده برضوا كملتي وافتريتي يعني لو هقول انك ضعفتي بعد ما عرفتي انك مش هتبقي ام و بصيتي لهاني طيب وبعدها مفوقتيش كملتي حبس فيا و تعذيب