لقاء كارثي

حط عسال ايده علي وشه يداري ضحكه من عشري اللي هيم/وتوا هو وتامر

مريم…..وابو خلق ضيق

تامر…..بص لعشري و عسال اللي فطسانين من الضحك وابتسم قهوه و يارب نخلص

مريم….السكر اللي جنب القمر دي تشرب ايه دي خطيبتك

نادين…..انا مراته

مريم…..بابتسامه و ماله تشربي ايه

نادين….شكرا مش عايزه

مريم….مينفعش لازم تشربي

نادين……شكرا انا مش عايزه والله

مريم…..وانتي يا نغم

نغم….بغضب انا عايزه امشي قولي اللي عندك اخلصي

بصتلها مريم و بعدين بصت لصبي من عندها روح هات طلبات البشوات وهات عصير لنغم و القمر و متنساش قهوتي يلا بسرعه.

نغم…..عصير ايه و قهوه ايه انتي طبيعيه بجد

مريم…..مالي بشد في شعري اقعدي علي حيلك كده بدل ما اقلب عليكي انتي كمان

قعدت نغم بغض بس وهي خايفه منها

مريم……خير ايه اللي جابك و ايه اللي حصل مع هاني ماهو مش هيتحول كده من للباب للطق

نغم…..يتحول ولا يغور في داهيه انا مالي و ماله انا جيت شقتي ولا هو انا المفروض استأذن من الحيوان ده

مريم….مين قالك استأذني انا بسأل جيتي ليه و حصل ايه مع هاني

نغم…..محصلش انا هبيع الشقه و كنا بنشوفها عشان نصورها ونعرضها للبيع و الحيوان ده لما شافني قرب مني و هما بعدوا عني و هو اللي بدأ

مريم…..شقه ايه اللي تبيعيها هو انتي عملتي كل الحفله دي علي الشقه عشان في الاخر تبيعيها

نغم….وانتي مالك حاجه متخصكيش اه هبيعها عشان اكيد مش هقعد فيها ولا هقعد في خلقتكم تاني ولا انتي وافقتي يا مريم و فاكره اني هرجع فيها عشان تستفردي بيا انتي وهاني

مريم….بصتلها بحزم و انتي فاكره ان هاني او غير هاني يقدر يمس منك شعره

نغم…..ايه يا مريم محصلتش قبل كده خليني ساكته احسن و بلاش طقم الحنيه ده عشان انا عارفه انه كدب و مش هصدقك

مريم….ماشي يا ستي متصدقنيش بس علي الاقل تبقي عارفه ان مفيش حد ممكن يقرب منك و انا عايشه و بالذات الحيوان ده

نغم…..بابتسامه سخريه سبحانه الوقت بقي حيوان مش ده كان حبيب القلب

مريم…..حب ايه يا بت وكلام فارغ ايه بصي يا مريم عشان ننهي الموضوع ده و نخلص حتي لو مش مصدقاني هقولهالك تاني مفيش مخلوق في الدنيا يقدر يلمسك و بالذات هاني و حاجه كمان لو انتي بتبيعي البيت ده عشان فعلا خايفه منه فا بقولك ارجعي محدش هيقرب منك و رجالتي هيبقوا جنبك