لقاء كارثي

مريم…..هو ايه اللي بيحصل هنا انت مين يا جدع انت بصت لتامر هو في ايه بالظبط.

تامر…..في ان البتاع اللي انتي متجوزاه ده بيتعدي حدوده و بيتعرض لبنت اختك

مريم….بنت اختي ؟؟

تامر….ايه نستيها يا مريم نغمممم

فتحت نغم الباب و نزلت بصت لمريم بغضب و وجع

عسال…..ادخلي يا نغم

مردتش نغم عليه و فضلت باصه علي مريم بغضب و وجع

هاني…..بغضب قصدك نغم الشمااااال قولها كده هتفهم علي طول

شد عشري اجزاء الس/لاح و خد تامر خطوه مندفعه بغضب ناحيه هاني مسكه هشري من ايده بقوه و سحبه ناحيته

عشري……كلمه زياده وعهد الله هفرتك راسك و ما في دكر هنا هيرحمك من ايدي يا كلب يا ست يا خ…….

حاول هاني يشد نفسه من الجاردات بغضب

مريم….بصت لهاني بغضب روح علي الوكاله مع الرجاله

هاني….وكاله ايه قوليلهم الاول ان نغم شمااااال و هربت لما انتي اكتشفتي ان هي عينها مني

بص تامر عليها بسرعه و رجع بص لهاني بغضب

حطت نغم ايدها علي ودنها و هي بتعيط نزلت نادين بسرعه و حضنتها بصلهم عسال و مسكهم

مريم……بكل غضب الدنيا نزلت علي وش هاني بالقلم قدام الكل بعد ما قال الكلام ده.

بصلها هاني بصدمه و قبل ما يرفع ايده عليها و يردلها القلم رجالتها مسكوه قربت مريم منه بغضب و مسكته من هدومه

مريم…..شمال مين يا زباله يا عرة الرجاله يا وسخ دي ست البنات كلهم
عينها من مين يا شمال دي انضف من عيلتك و منك اوعي تفكر تقول عليها نص كلمه دي بنت اخت مريم العقاد يا زبااااله يعني قبل ما تقول كلمه عنها انت او غيرك تراجع نفسك الف مره

بص عشري والشباب لبعض بصدمه و مبقوش فاهمين حاجه

هاني…..انتي بتضربيني انا يا مريم بتقوليلي انا الكلام ده و عشان مين عشان نغم

مريم….واقطع لسانك كمان لو فكرت بس في بالك تقول عليها كلمه بينك وبين نفسك انت أوغيرك

بصتلها نغم بصدمه هي كمان مكانتش فاهمه حاجه هي عارفه ان مريم جدعه لكن بعد اللي عملتوا كانت فاكره انها مخدوعه فيها بس انها تقف معاها الوقفه دي عقلها عمل ايرور

هاني……انتي عارفه اللي بتعمليه ده يا مريم اخرته ايه؟

مريم…..سوده علي دمااااغك انت واللي خلفوك ايه هم/وت من غيرك هم/وت من زعلك هخاف منك فووووووق يا هاني ده انا اللي عملاك خدوا من قدامي يترمي في المخزن لحد ما يتأدب