لقاء كارثي

اللي عايز اقولوا ان اي رد فعل من فضل تقبليه اي حاجه بخصوص البنت دي شيليها من دماغك الوقت
و متزعليش منه لان برضوا احنا كنا جزء من اللي فضل وصل ليه

نعيمه….معاك حق في كمان حاجه اتقالت من الشباب ان اللي بينا ده مش هيخلص بقاعده واحده و انا بصراحه محتاجه طريقه تخلي اللي بينا يحصل في قاعده واحده احسن

الدكتور….بالعكس اوعي تستعجلي شوفي يا نعيمه اقناع فضل هيجي بطريقه واحده و هو قالها سبب قوي يهليه يسامحك و يتخطي احساسه بأن كرامته اتجرحت كا راجل وده حقه وللاسف احنا مش هنقدر نقول سبب قوي فا بالتالي السبب اللي هيتقال مش هيرضيه فا هيحصل حاجه من اتنين هو قلبه و عقله متمسكين بيكي فا هيحاول انه يخلقلك مبررات تاني او وقت كافي يدوب الجليد اللي بقي بينكم او استعجلتي فا هو هيثور و يغضب و هتنتهي القاعده بانفصال حقيقي فا بلاش نستعجل خليه من جواه يخلقلك الف عذر والف مبرر

نعيمه….تمام هعمل كده هو انا مش عارفه القاعده دي هتتم امته بس اظن زيارتي ليك المره الجايه هتكون بعد زيارته هو ليا

الدكتور….بابتسامه و انا مستنيكي عايزك بس تكوني هاديه و ياريت لو تعبريلوا حتي لو من غير كلام قد ايه وحشك قد ايه افتقديته قد ايه هو فارق معاكي مشاعرك دي هتساعدك كتير يعني توصيل احساسك ليه هيبقي عامل مساعد قوي قي ان فضل يلاقي عذر يحاول يقنع نفسه بيه فهمتي

نعيمه….بابتسامه فهمت ميرسي اوي يا دكتور و بجد شكراً

الدكتور…العفو مستنيكي و خير متقلقيش

هزت راسها بهدوء و بعدين مشيت نعيمه..

……………..

في منزل ايمي ..

ايمي…..طيب ليه لا يا عمرو هنا بيتكم و هناك بيتكم انت اكيد يهمك راحتها وهي برضوا يهمها انها متنكدش عليك

عمرو….يا ايمي افهمي الموضوع صعب عليا اني اقعد في شقه مراتي دي مش سهله

ايمي…..بلاش تفكر بالطريقه القديمه دي يا عمرو مفيش حاجه اسمها شقه مراتي و شقه جوزي الشقه ديما بتاعت الست سواء فلوسك او بفلوسها هو انت متحكم فيها وهي في في بيتك يا عمرو عامل فيها يعني سي السيد و كل حاجه باوامرك

عمرو….خالص والله انتي عرفاني يا ايمي انا مش كده ده بيتها هي انا مجرد ضيف فيه باجي اكل اقعد شويه انام بس

ايمي….تمام ولو انت ضيف في بيتك مش مشكله يا سيدي تبقي ضيف في بيتك التاني و بعدين يا عمرو احنا مفيش بينا كده انت علاقتك بينا كلنا تجنن بنعتبرك اخونا زوزو و حماده بيعتروك زينا و حتت بقي بيت مراتي دي قديمه اوي مش معانا احنا احنا عيله واهل يا عمرو و اللي بينا كبير انا يا عمرو لو كنت مكان امنيه و ساكنه بعيد كنت هاخد بعضي و افضل معاها بس من الرحاب لمدينتي مش حوار و برضوا بنروح اوقات و بنبات هناك في البيت لا رشيد بيعتبر نفسه ضيف و لا بيعتبر انه في بيت مراته تصدق بالله انا اللي بحس اني مش مرتاحه هلاص هناك قد ما انا مرتاحه هنا رشيد اللي بيبقي مبسوط اوي و انت اقدم من رشيد في وسطنا يعني المفروض حتت الاحراج دي تشيلها من جواك خالص