لقاء كارثي

هاني…..مريم انتي اتجننتي انا جوزك

مريم…..كننننننننت كنت يا روح امك انت طااااالق و بالتلاته يا هاني

الكل بص بصدمه اكبر لما عرفوا ان العصمه في ايدها

عشري من صدمته ضحك غصب عنه و ضحك تامر معاه بص عشري لهاني

عشري…..اوووووووف تقيله دي اوي يا شيخ…
ده انت طلعت كلب الست بجد يا حيلتها قولي معاك شنطه لهدومك و لا الست كانت شيلاك محمول مكفول

بصلوا هاني بغضب ورجع بصل لمريم

مريم…..زودتها كتير و دي نتيجه اللي يزودها مع مريم العقاد يا هاني قولتلك بلاش بس انت مصمم اتحمل بقي

هاني……هتدفعي تمن كل حاجه غالي يامريم

مريم…….لا انت ولا مليون زيك يقدر يقف قدام مريم العقاد و اوعي تكون فاكر انها خلصت كده هتتربي يا هاني الاول عشان تعرف ان الله حق

هاني……هفضحك يا مريم و هقول عن كل وساختك هقول اللي فيكي و هقول علي اللي مش فيكي و هخليه فيكي و يلا هتبقي جرسه و اللي ميشتري يتفرج

مريم…..بصت علي الارض و ضغط عليها جامد بجزمتها اعلي مافي خيلك اركبه تحت جزمتي انت والناس و كلامكم انت عارف كويس اني مبيفرقش معايا مخلوق في الدنيا يلااااااااا خدوا علي المخزن

هاني……هفضحك يا مريم انا هربيكي انا مش هسيبك

مشيوا رجالتها بهاني علي المخزن عشري كان واقف هو والشباب و نغم باصين عليها بصدمه بصت مريم علي الناس و كملت بصوت عالي

مريم…..ما تيلاااا يا اخويا منك ليه ايه ما بتصدقوا جنازه و تشبعوا فيها لطم علي شغلك منك ليه.

الناس اتحركت من قدامها عدلت شعرها وبصت عليهم بهدوء ولا كأن في حاجه حصلت

مريم….نغم تعالي معايا شويه علي الوكاله عيزاكي

تامر……نغم مش هتروح في حته

مريم…..خبطت علي كتفه مش هاكلها يا اخويا

نغم….اااا لا مش عايزه ابعدوا عني بقي كفايه كده مش هاجي معاكي

مريم……بحزم بقولك قدامي عايزه اتكلم معاكي بصت لعشري وانت يا عم فاندام نزل س/لاحك الي رافعه في خلقتي ده الله يباركلك
/
بصلها عشري وضحك غصب عنه وهو بيهز راسه شمال ويمين و مش مستوعب

عشري…..رفع حاجبه باستغراب هو ايه الموضوع التركيبه دي اول مره اشوفها هي الاخت طبيعيه

مريم….بضحكه تجنن اه يا اخويا طبيعيه و طبيعيه اوي يلا نغم خلينا نخلص و لو خايفه خليهم يجوا معاكي عايزه اقولك كلمتين

تامر….محدش فينا هيروح في مكان