لقاء كارثي

مصطفي….بضحك سيبك من ان هي حماتك دي ام عشري يعني لو مظبطهاش هيروق عليا

ليله….بضحك اهو شوف انت بقي

مصطفي…طيب عايزه ايه بالظبط

ليله….ظبط من كل اللي عندك او احلي حاجه علي ذوق هسيبهالك دي بس اسمعني لو مش هتحاسبني و رحمه امي يا مصطفي ما هاخدها

مصطفي….عيب يا ليله متزعلنيش منك

ليله….متزعلنيش انت و اظبط كده و شوف شغلك خلصنا من حوار العزومات و المجاملات الشغل شغل

مصطفي…. بابتسامه ماشي يا ستي هظبطلها انا حاجه حلوه قوليلي بقي تاني حاجه

ليله…..بابتسامه رفعت حاجبها و خرجت من شنطتها كارت و حطتوا قدامها شهاب الحسيني مستنيك تكلموا عشان تتفقوا علي شغلكم الجديد

مصطفي…. بابتسامه واسعه انتي بتتكلمي جد انا قولت نسيتي والله

ليله….عيب عليك انا وعدتك بس الفتره اللي فاتت دي كاها مكانتش ظابطه معايا خالص

مصطفي…ااا يا نهار اسود ده الموضوع دخل في الجد بجد

ليله….بضحك واحنا بنهزر هنا ولا ايه مش عامل فيها كوميدي يلا يا اخويا ورينا شطارتك و بعدين احنا داخلين علي ايام ما يعلم بيها الا المولي و الراجل لما كلمتوا قالي ياريت كنت بفكر اعمل مشروع جديد بس مكنتش لسه استقريت قولتلوا بس عندي دي وهو مستنيك عشان تروحلوا ويعمل معاك انترڤيو

مصطفي….بصحك وهيحصل ايه في الانترڤيو ده خضحكوا يعني لو دمي طلع خفيف هصور

ليله….بضحك وانا ايش عرفني اللي عرفته قولتهواك الباقي عليك المهم يعني عايزين في اسرع وقت تبدأ معاهم لو الدنيا تمام زي ما قولتلك البلد مش بخير او العالم كله مش بخير عايزين حاجه جديده تروق علي الناس

مصطفي…اااا ماشي انا جاهز بس هو انتي فهمتيه ايه بالظبطي يعني اقصد فهمتي من كلامه هيكون ايه بود كاست ولا ايه بالظبط

ليله….هو شرحلي الفكره يمكن مش هعرف اشرحهالك بس هو لما قالها حسيت انها شبهك قولتلوا دي لعبته هي فكرة المشروع بتاعه تشبه شويه الاستاند اب كوميدي بس مش استاند اب كوميدي هو اكيد هيفهمك بقي اما بالنسبه للبود كاست هو حابب تبدأ الاول الفكره بتاعته بمعني ان ده هيخلي الاول في جمهور و ناس بتتفاعل معاك و بتتعرف بعدها لما تعمل بود كاست و تبقي معروف هتقدر تستضيف ناس و مشاهير فاهمني لان محدش من المشاهير في البدايه هيروح لحد مش مشهور ولا ليه قاعده جماهيريه او مش متشاف لكن لو اثبتت نفسك في الفكره بتاعته و قتها هتتعرف وتتشهر و مش بعيد تبقي مطلوب بالاسم