لقاء كارثي

عمرو….مش حكايه احراج انتي عارفه زوزو و حماده و حودا وانتي بالنسبالي اهلي مبتكسفش منكم بس مش حابب اكون تقيل

ايمي….تقيل في ايه يا حبيبي بس انتوا في بيتكم مش هتقعدوا تحت مقفول عليكم بابكم اقولك يوم الاجازه ولا يومين الاجازه وخدها ورحوا بيتكم كانكم بتغيروا جو و طول ما انت في الشغل سيبها هي براحتها اهي لو زهقت يا عمرو هتنزل تقعد مع ماما وبابا مع حودا لو موجود انا هروحلهم هي هتجيلي نتقابل في المطعم ممكن ايه وسلمي يعدوا عليها تعدي عليهم فاهمني في ناس بيتسافوا في روح هترجع انت بقي لا هتلاقي نكد ولا بوز مقلوب و لا تكشيره وخد بالك امنيه مش نكديه بس معني انها توصل للنكد دن يبقي هي بجد تعبانه و لازم تفهم ان الحمل بيضيق الخلق بيعمل اكتئاب هرمونات الحمل دي صعبه مفيش راجل ممكن يحس بيها صدقني هتفرق معاك انت شخصياً

وبعيداً عن الزهق يا سيدي طول ماهي لوحدها مش بتاكل و الحمل مينفعش من غير اكل بتفضل مستنيه بس وهي مع زوزو مش هتسيبها هتطمن عليها وعلي اللي في بطنها والاهم تعبت داخت رجعت حصل معاها اي حاجه هنا معاها انت اتصلت وملقتهاش بترد بدل ما تبقي قلقان و مش مركز في شغلك هتتصل عليهم عليا الف حد هيوصلك بيها انما هي هناك فعلا معزوله فكر يا عمرو صدقني وجودكم هيفرق وسطنا انت بس يعدي يوم ولا اتنين هتلاقي نفسك مش حابب ترجع هناك تاني انا عارفه انك بتحب امنيه و اكيد يهمك راحتها بس تعالي علي نفسك شويه

عمرو….انا باجي علي نفسي يا ايمي وقولتلها هنشوف بيت بس هي مش صابره

ايمي….وليه تشوف بيت وانتوا عندكم و بعدين هي مش حكايه مش صابره بس هي عارفه انك مشغول اعذرها يا عمرو انت بنفسك بتقول بتسيبها من بدري ترجع بليل تخيل انت طول اليوم محبوس بين اربع حيطان مع تعب وحمل وزهق و مش لاقي حاجه تعملها طبيعي هترجع تلاقي مودها مش حلو عارف لو مكانش في حل كنا هنقولها اتحملي عادي بس الحل موجود و عندكم بيت تاني يعني ريح دماغك مش ده اللي هيريحك هعملوا عشان تحلي عن دماغي بمعني اصح

عمرو….والله مش كده هي مش واجعه دماغي ولا انا عايزها تفكها مني انا بجد صعبان عليا امنيه و عارف ان هي طول الوقت لوحدها و بخاف اهليها تنزل لوحدها و اوقات اقولها هوديكي و معرفش فا عارف انه غصب عنها انا مشكلتي كلها في اني مش حابب اكون تقيل