لقاء كارثي

احمد…..طيب اديني خمس دقايق و هكلمك اكد علبكي متدخليش جوه الوقت عشان مبعرفش اوصلك

نغم….حاضر مستنياك

قفلت مع احمد و فضلت واقفه هي ونادين.

…………….

في الكافيه..

عسال….نادين قالتلي يعني حابه تروح انهارده قبل ما يحصل تنازل و جايز بعد كده يبقي في قلق او يحطوا نغم في دماغهم

عشري….طيب تمام قوم يلا خلينا نروح مع بعض

عسال….لا لسه يعني نص ساعه كده ونتحرك بس اسمع لو وراك مشوار خليك

عشري….مشوار ايه انا قاعد معاك هنا انهارده و اكيد مش هسيبك لوحدك حسان امبارح قالي الراجل مش تمام خالص خلينا نروح سوا

عسال….ماشي نص ساعه و نتحرك و خلي عربيتك بقي ادام هنرجع علي هنا

عشري…..ماشي تمام

……………

عند نادين و نغم اتصل احمد تاني عليها..

نغم….الوووو

احمد….ايوه يا نغم بصي ساعه و تامر هيكون عندك ماشي

نغم….طيب تمام

احمد….استنيه بقي يا بنتي و ابقوا طمنوني

نغم….حاضر يا حبيبي متقلقش

احمد…..يلا سلام يا حبيبتي

نغم….باي

………………

اتصلت تقي علي عدي كان شغال في المغسله شويه السماعه كانت في ودنه رد عليها وهو شغال

عدي…..ايوه يا قلبي

تقي…..بقولك ايه

عدي….قولي

تقي…. بابتسامه اااا احمممم يعني بصراحه

عدي…..انجزي و اديهاني في وشي عامله مص/يبه صح

تقي….بضحك لا والله بس ممكن اعمل

عدي…..بابتسامه هتعملي ايه يا تاعبه قلبي

تقي…..طيب بص من الاخر كده يعني انا عايزه اتعلم السواقه

عدي……بضحك دي هرمونات دي صح

تقي….بضحك احترم نفسك و بعدين ايه مشكلتك انت يا رخم

عدي….بضحك مفيش مشكله يا قلبي بس مره واحده بتتصلي و طق في دماغي تتعلمي السواقه خير مش كنتي مبتحبيش و بتخافي و خلقك ضيق و هتتلخمي

تقي…..لا ماهو انت مش فاهم انا اخر فتره دي بقيت اقلق شويه من اوبر و في اوقات لو الجو برد بحس اني ماشيه في الشارع لوحدي فا قولت يعني عيب اني مبقاش بعرف اسوق احد الوقت و قررت اجمد قلبي واتعلم

عدي….يا واااد انت يا ابو قلب جامد طيب يلا وريني شطارتك و اتعلمي و ليكي عليا الاقيكي سواقه مفيش زيها هاخدك من ايدك اطلعلك الرخصه

تقي….. بابتسامه اااا اه ماهو انا هبقي سواقه مفيش زيها ازاي لو مفيش سواق محترف يعلمني

عدي….رفع حاجبه هعمل نفسي مفهمتش و هسأل تقصدي ايه

تقي….بضحك الي فهمتوا يا قلبي انت اللي هتعلمني