لقاء كارثي
لقاء كارثي
نعيمه….اه بس تدبيسه علي مزاجك يا بتاعت السمك
ليله….. بابتسامه صراحه اه بحبه المهم يعني عنلت سمك مشوي و جمبري و كاليماري و رز و شوربه كفايه عليه كده
نعيمه….بالف هنا يارب
ليله….ماتيجي تاكلي معانا يا نوني
نعيمه…..عزومة مراكبيه
ليله….ورحمة امي ابداً يا بت انا اقوم اغلف الحاجه واجيلك انا وعشري والمصحف
نعيمه….بضحك بهزر يا جزمه والله
ليله….انا مش بهزر والله
نعيمه….يابت عارفه والله انا صراحه جعانه بس مش طالبه سمك و بصراحه طالبه عك
ليله…..عك ايه بلاش قرف مش بقيتي شيف اقفي اعملي حاجه
نعيمه….ما انا بقيت شيف بس طالبه معايا عك عموما هشوف كده
ليله….بقولك ايه شوفتي الشات اللي بينا وبين الشباب
نعيمه…..لا مدخلتش فيه تاني ليه في حاجه
ليله…..سلامه و ايه و عسال هيم/وتوني من الضحك علي خالة مريم والله حصل امبارح و هما بيعاكسوها
نعيمه….بضحك لا ايه حكيتلي علي حسان م/وت من الضحك والله كنت فكراه عاقل دي سلمي هتشلوحوا
ليله….هيم/وتوني والله هبقي ابعتلك الڤويسات و هبقي اخلي حد يدخلك
نعيمه….لا بلاش احسن فضل يقفشني
ليله…..بضحك يا اختي خليه يقفشك عشان نخلص منكم
نعيمه…..مش جوجو كلمتني انهارده
ليله…..بجد
نعيمه….اه والله زعلانه مني عشان مكنتش برد عليها و اتكلمنا وهتجيلي بكره نفطر سوا
ليله….طيب حلو ده جوجو دي قمر شوفتها عند امونه وانا جايه عديت عليهم قعدت معاهم عشر دقايق كده و هزرنا شويه و بعدين طلعت
نعيمه….لولي بقولك ايه
ليله….قولي يا قلبي
نعيمه….انا في حاجه كده عايزه اعملها و قوليلي رايك
ليله….حاجه ايه
نعيمه…..يعني في عيد الام كنت مسافره وكده
ليله….اممم عايزه هديه لحماتك
نعيمه….لا مش جوجو انا جايبه اصلا لجوجو هديه بكره هديهالها انا اقصد ماما
ليله….بضحك وجايبه لحماتك وامك لا يا واطيه
نعيمه…يابت اسكتي مالك بقيتي رغايه زي ايه كده ايه مش كده
ليله….امتل ايه متقرفنيش
نعيمه…..انا جيبت لامي هدايا وانا جايه و خدتها امبارح بس اقضد عايزه يعني صراحه اطلعها عمره و بصراحه يعني حابه اطلعها هي و بابا و انا و نسمه ونادر احنا عمرنا ما روحنا كلنا مع بعض و مش حابه اطلعها هي بس ايه رايك
ليله…. بابتسامه حلو طبعا اعملي كده
نعيمه….ماهو المشكله في الباسبورات
