لقاء كارثي
لقاء كارثي
عسال…..نغم البيت بقي ملكك باللي فيه يعني هو ميقدرش يعترض او يتحكم في حاجه فا متخافيش خالص
نغم….تمام طيب انا مش عارفه بصراحه قوليلي انتي يا نادين انا اهم حاجه عندي مش عايزه اي حاجه نام عليها وبفكر يعني اخد اي سرير من الاوضه الصغيره شكلها جديده و محدش استخدمها خالص
عشري…..خدي الجديد بس يا نغم متاخديش حاجته هو دي سيبيها في قلب البيت عادي
نادين….بصي يا نغم انتي هتاخدي الاوضه الصغيره اللي جوه كلها و هتاخدي الاجهزه طبعاً و هتاخدي تكييف لاوضتك و تكييف للصاله هنشوف السجاد الستاير و بيتهيألي الانتريه ده كبير جايز الصاله تطلع صغيره و برضوا المطبخ هنا كبير
تامر….بصي يا نادين قصه المطبخ و الركنه في الصاله دي فكك منها لان لو الشقه استديو مش هتاخد الحاجه دي و انا عندي اقتراح صغير انتي الوقت صورتي البيت كله استني متعرضيش اي حاجه حتي لو اسبوع لحد ما تشوفي حوار الشقه الاول عشان تشوفها و تعرف هتحتاج ايه و بعد كده اعرضيها
نغم….لا ماهو انا مش مع الفكره دي اوي
عسال…ليه فكره تامر كويسه علي الاقل هتبقي شايفه البيت كويس و هوعرفي ايه اللي يلزموا وايه لا
نغم….ماشي بس افرض عجبتني و عملنا كده انا مش هقدر اخد البيت قبل ما ابيع ده عشان ادفع تمن ايجاره
نادين…..هو احنا مش اتكلمنا في الموضوع ده با نغم قولتلك متشيليش هم الفلوس اكيد مش هتقع قدامنا شقه كويسه و نضيع الفرصه لما نبيع ده هبقي اخد منك الفلوس
عشري….انتي عامله القصه دي كلها عشان الفلوس متشيليش هم شوفي الاول الشقه و أمرها محلول عشان تعرفي هتاخدي من هنا ايه و بعد ما تبيعي دي ابقي فكري في الفلوس
تامر….نادين شوفي الشقه وسيبك من نغم هو مفيش غير الحل ده
نادين….. بابتسامه انا مش هسأل فيها طبعا وان شاء الله اقل من اسبوع هكون قدرت اللقي حاجه كويسه و تبقي قريبه مننا
عشري……خير ان شاء الله
تامر….طيب بصي يا نادين تقديرياً كده المساحه 280 متر
نادين….طيب كويس اوي
عسال…ماشاء الله حلوه جدا
عشري…..ان شاء الله يجيلك فيها احسن سعر
نغم….يارب
خلصوا و خلص العامل تغيير الكوالين و اداهم المفاتيح قفل تامر الباب بكل الكوالين و بعدين نزلوا
بمجرد ما نزلوا لمحت نغم هاني و معاه اتنين من رجالتهم اللي شغالين معاهم.
