لقاء كارثي

بصوا كلهم لبعض و فعلا الحاله اللي كانوا فيها كانت غريبه علي الكل مريم راضيه بالمرض بشكل فظيع رغم قوتها اللي بانت للكل بس هي ضعيفه جدا و من جواها مش بالشر اللي بتظهروا جواها جزء نضيف وجزء كبير اوي احساسها بالندم و اعترافها بالغلط و تصميمها علي تصليحه يبين قد ايه هي مش وحشه.

نغم….بدموع هتبدأي امته الكيماوي

مريم…..بابتسامه هاديه كمان ثلاث ايام

تامر…ااااا طيب سؤال يعني هي المرحله متأخره اوي يعني من كلامك انتي بتقولي انك مرحله رابعه و اول مره جالك كانسر كان قبل م/وت انغام بشويه و فات تقريبا علي وفاتها حوالي خمس شهور ازاي لما جالك انتشر بالسرعه دي لدرجة انك توصلي لمرحله رابعه

مريم…. بابتسامه ربنا عايز كده يا تامر جايز كان عندي قبل ما اكتشف اني عندي ورم خبيث في الرحم و جايز جالي بعدها الله اعلم بس هو سريع و انتشر بسرعه و يمكن انا محستش بتعب خالص الا لما قررت اعمل تحاليل واكشف

عسال…..بهدوء طيب و المرادي برضوا خبيث ولا حميد

مريم…..خبيث الحمد لله علي كل شئ الكيماوي هيحجمه شويه و هيخليه سرعه انتشاره تقل لكن مش هيوقفوا

عشري…طيب مفيش تدخل جراحي

مريم…..لسه معرفش و عموما الجراحه بتحدد اذا كانت هتتعمل او لا بعد عدد جلسات معينه من الكيماوي لو قدروا يحجموا الورم و يوقفوا انتشاره ممكن يعملوا عمليه بس لو متشعب مش هيقدروا لان الجراحه ممكن تخليه ينتشر اكتر عموما ابتسمت و عدلت شعرها سيبكم من الهم ده انا كنت بس عايزه اتكلم شويه مع نغم و افضفض و اقولها ان انغام كانت غاليه عندي زي ما هي غاليه عندها وان مليش علاقه بم/وتها ولا كنت اعرف عيزاكم تخلوا بالكم منها ارجوكم اعتبروها اختكم الصغيره اعتبروها امانه ربنا ليكم حافظوا عليها..

عشري…..نغم في عنينا متقلقيش عليها و ان شاء الله هتبقي بخير انتي كمان

نادين…بهدوء الف سلامه عليكي ربنا يشفيكي

مريم…..بابتسامه الله يسلمكم و شكرا اوي علي كل حاجه

نغم…..بدموع مريم انا اااااا انا ممكن اسامحك علي كل حاجه بس بشرط واحد

بصتلها مريم و بصولها كلهم

نغم…..بدموع هغير كل الكلام اللي المحامي قالي اقولوا بكره قدام النيابه بس تقفي معايا و نحبس هاني و نجيب حق انغام منه و نجيب حقي و حقك لو هو فعلا استغلك ضعفك

مريم ….هو استغل ضعفي دي حقيقه بس مش هنكر ان انا كمان غلطت