لقاء كارثي

نغم….و خوفهم منك ده اكتر حاجه بتسعدك بتحسي انك مالكه الدنيا يعني بطلي كدب و تمثيل و بطلي تقولي ان دي اوحش حاجه في الدنيا

مريم…..بنظره قوه مصطنعه حصلللل اه بتبسط وانا شايفه الكل خايف مني و بيعملي الف حساب عشان زمان قبل ما ابقي مريم العقاد اللي كان بيطولني مبيرحمنيش الفلوس و النفوذ يا نغم بتخلي الضعيف قوي و اللي ملوش قيمه يبقي ليه قيمه واللي كان بيتقالوا لا بقي يتقالوا حاضر ونعم اللي كان يتجرأ و يرفع صوته عليكي لما يشوفك يطاطي راسه في الارض و انا شوفت كتير عشان كده لما بقيت مريم العقاد قررت ان مفيش مخلوق يقف قدامي

ومش بس كده ياريتها جات علي الغرب ده القريب كان بينهش اكتر مريم الغلبانه اللي الكل كان بيجي عليها زمان لما بقي معاها ملايين بقي يتقالها حاضر و نعم لما بقي معاها ملايين اللي كان بيهمشها بقت هي كل اولوياته الكل قرب مني عشان فلوسي وانتي اكتر حد عارف كده كويس مفيش واحد في عيلتنا يقدر يكسر كلمه ليا او يقولي تلت التلاته كام مررررريم اللي كانت كمالة عدد في العيله بقت عمود العيله و دي المص/يبه فكرك ده حب

لا خالص قريب و غريب بيقرب مني عشان بس فلوسي انا لو وقعت يا نغم الحب اللي انتي شيفاه هيروح العيله اللي انتي مفكرتهم واقفين معايا ضدك مش هيبقوا موجودين انتي لو معاكي فلوس اكتر يا نغم هايخدو صفك انتي مش صفي انا
يعني باختصار مريم بالنسبالهم فلوس تغلط نسقف تتنطت نسقف تدوس عالخلق نسقف مش عشان هي صح لا عشان هي اللي بتدفع

بالظبط حياتي مع الغريب و القريب عامله زي مثل كده بحبه اوي لايق عليا بيقولك لما حمار العمده م/ات البلد كلها حضرت ولما العمده نفسه م/ات محدش حضر و ده بالظبط اللي ينطبق علي حياتي معاهم مريم تعمل اي حاجه هنقول امين بس لو مريم وقعت الف س/كينه هتترفع عليها.

الكل بيخاف مني و بيعملي الف حساب عشان مقفلس الحنفيه عليه مش عايزين مني غير الفلوس اللمه اللي حواليا كلها كدابه عمري ما لاقيت حد جدع معايا عمري ما لاقيت راجل بجد اتسند عليه عشاني حتي الرجاله اللي بتيجي تحت رجلي عارفه انها بتيجي عشان الفلوس الا انتي و انغام عمر الفلوس ما شغلتكم

نغم ….بحزن ابتسمت عشان كده يوم ما قررتي تفتري افتريتي علينا

مريم… انا معترفه اني غلطت يانغم معترفه اني وحشه مش هنكر اللي شوفته في الدنيا دي كتير و خلي قلبي جامد وقاسي حياة السوق و الشارع صعبه بتشيب الراس جوازاتي كلها مكانتش بمزاجي اه مكانش حد يقدر يجبرني بس كنت مضطره اوافق لاني قررت اني ابقي مريم العقاد مش كمالة العدد اللي ادعك ببوزها الاسفلت اتمردت علي حياتي كلها و لما بقي معايا ملايين بقيت مبسوطه ان الكلمه كلمتي و الكل سواء قريب او غريب بيقول حاضر وبس اللي كنت بحط عيني عليه بصمم اخده و كنت بعرف