لقاء كارثي

مريم…..مكنتش في وعيي لسه بس بعد اللي عملتوا ده و بعد ما كملت ربنا جاب حقكم يا نغم تاني

نغم….تقصدي ايه ؟

مريم…خليني اكملك الاول انا لما عرفت من المحامي بتاعك شرطك انك تاخدي بيتكم مقابل التنازل قولت لهاني اهي جات من عندها وهنخلص بدل ما كنت بسمع كلامك و بحبسها و بضربها و خايفين من الناس هتاخد الشقه والموضوع هيتقفل اتجنن و رفض وقتها استغربت منين انت عايز الموضوع يتقفل و عامل نفسك خايف عليا و منين لما الحل جالنا رفضت اختلفنا و ثولتله تمام خد الشقه بس كل واحد هيروح لحاله و تمن الشقه اللي نغم هتقدروا هتاخدوا رجع في كلامه و خاف او فكر بالعقل شقه قصاد الملايين دي كلها هيبقي غبي حطيته في دماغي و قولت تمام كده انت ظهرت علي حقيقتك يعني مقربتش مني حب زي ما قولت ولا مفرقش معاك عيال زي ما قولت و اتلهفت علي الجواز عشان تحميني من اي كلمه كل ده كان كدب و لما وافق من خوفه لا اطلقه قولت نخلص من الحوار خالص و مش هيقعد علي ذمتي قبل كل ده بقي من كام يوم بعد ما المحامي اتصل انا غيبت عليه في الرد كام يوم مش عشان هاني لا عشان كنت حاسه بتعب و سكيت في حاجه و قولت اطمن روحت عملت شويه تحاليل و اشاعات و اتاكدت من شكي
رجعلي تاني السرطان بس اامرادي في القولون و ده بقي اللي فوقني خالص اصل اكتشفت انه مرحله رابعه

بصولها بصدمه و هي بتتكلم عادي ولا كانها بتقول جالها برد

نغم……انتي بتقولي ايه ؟ انتي بتتكلمي جد

مريم….قولتلك مش عايزه تصدقيني متصدقنيش بس معايا كل حاجه في الخزنه جوه المهم يعني ربنا جاب حقك و حق انغام و انا فوقت متأخر
بس كل اللي عيزاكي تعرفيه حاجه واحده جايز انا خسرتك و انتي خرجتيني من حياتك و مش هتقدري تسامحيني بس لازم تعرفي اني بحبك تبيعي البيت بقي تبعدي تختفي عشان تخلصي مني لازم تتاكدي ان وقت ما تحتاجيني هتلاقيني سيبك من العيله الوسخه دي و من ابوكي اللي زي قلته انا في ضهرك يا نغم و وقت ما تحتاجيني هتلاقيني هحتي لو جيتيني وانتي مش طيقاني برضوا هقف معاكي حقك رجع افرحي

عشري….هو انتي طبيعيه؟

مريم….بضحك اشمعني

عشري…..يعني مش عارف بس انتي عيانه بجد اصل مش باين عليكي

مريم….بضحك لا ما انا قولتلك و شرحت جزء من شخصيتي انا عمري ما هبان ضعيفه و مش انا الشخص اللي بيشتكي من المرض بالعكس انا فرحانه عارف ليه لان مهما ظهرت في عيون الكل وحشه ربنا عارف ان جوايا كويسه و شايلي الخير اللي عملتوا في الخفي والعلن عشان كده ابتلاني و انا عايشه عشان يخلص ذنوبي وهو كده بيحبني و بيني وبينك انا برضوا افتريت بس والله الناس هي اللي وحشه اينعم مكانش ينفع ابقي زيهم بس وقتها برضوا كنت هتركب و هاخد علي قفايا الناس بتعمل الف حساب للقوي و بتيجي علي الضعيف و الي بيسامح و الطيب انا مخترتش الطريق ده انا مشيت فيه او يمكن اخترته ماهو مكانش ينفع اختار غيره بعد الي شوفته من الناس