لقاء كارثي
لقاء كارثي
الدكتور… ليه مقدرتيش ؟
تعرفي يا نعيمه لما بيكون في مشاكل بين الابناء و الاباء او مش شرط مشاكل حجات بتسبي عقد نفسيه جوه الابناء عارفه ان جزء كبير من الراحه بيحصل لما الابناء يطلعوا اللي جواهم و الاهل يسمعوا ليه معملتيش كده خوفتي رد فعلهم يضايقك اكتر ولا مكانوش هيسمعوكي
نعيمه……بالعكس كانوا هيسمعوني و رد فعلهم مكانش هيضايقني بس انا خوفت علي زعلهم هما مقدرتش اصل بشوف انها صعبه اني اقف في وش امي و ابويا و اقولهم انتوا كنتوا سبب في حالتي مكنتش هقدر اشوف زعلهم من نفسهم ولا كنت هقدر اشوف احساس الندم او عتابهم لنفسهم مستحيل كنت اخليهم يحسوا انهم غلطوا لما فكرت لا قيت مش هقدر اقف قدامهم في النهايه اكتر حاجه ريحتني اني قولت لنفسي هما برضوا جيل اتربي بطريقه واحنا جيل واكيد ولادنا هيبقوا جيل و بنتعلم يعني اللي حصل معايا اكيد مش هعملوا مع ولادي و برضوا انا اكيد مهما حاولت مش هكون الام المثاليه جايز اغلط زي امي و فضل يغلط زي ابويا اه الغلط ممكن يبقي مختلف بس ولادنا هيلاقوا نفسهم مش بيكرروا الي ضايقهم مننا
الدكتور…. بابتسامه شايف انك جمعتي علاقتك انتي و فضل بولادكم
بصتلوا نعيمه بصدمه لما ركزت في كلمتها وابتسمت بهدوء
الدكتور… بابتسامه واضح انك عارفه انتي عايزه ايه خلاص يقال ان اللي بيخرج من القلب و سط الفضفضه التلقائيه و الكلام هو الاصدق
نعيمه…. بابتسامه يمكن عشان حقيقي مش شايفه حياتي مع حد تاني غير فضل
الدكتور…..انتي من البدايه يا نعيمه مكنتيش شايفه حياتك الا مع فضل بس كان في ضباب بسيط علي عينك و راح
نعيمه…. بابتسامه علي فكره مامت فضل كلمتني انهارده قبل ما تجي و دي اول مره ارد عليها من وقت ما سافرت والحقيقه ان الست دي من تجمل واقوي الستات اللي شوفتهم في حياتي ست بجد جميله بحبها و واثقه في حبها ليا
الدكتور…..عاتبتك في حاجه تخص فضل
نعيمه….خالص زعلانه مني و زعلها عشان مكنتش برد و يمكن كلامها فرق بشكل مش طبيعي لان زعلها مني علي عدم ردي او اني اطمنها عليا كان طالع بجد من قلبها بس فهمتني و طلبت مني تشوفني و هتجيلي بكره
الدكتور……جميل اوي طيب السؤال الاهم بقي مستعده لمواجتهك مع فضل
ابتسمت نعيمه بهدوء و هزا راسها بلأ
الدكتور …..ليه مش عايزه تشوفيه؟
