لقاء كارثي

عدي…..ده علي جثتي

تقي….بضحك ليه بس حد قالك عني غبيه

عدي…..لا يا قلبي العفو بس انا ممكن اخسرك فيها دي ليه بقي هقولك و تعدي معايا الاسباب

تقي….بضحك ماشي هعد

عدي…..واحد انا راجل بدوي و معروف البدوي خلقه ضيق.
اتنين انا معنديش طولة بال و صبري في مناخيري .
ثلاثه مكرهش في حياتي قد اني اشوف حد جنبي متوتر لاني مش هعرف اهديكي هتوتر زيك و هنفخك.
أربعه و دي الاهم مبحبش سواقه البنات والستات عموما

خمسه السواقه بتحتاج ذكاء حد عنده سرعة بديهه مش بحب الغباء

سته مقدرش افضل اشرح اعمل ده و ابدأي بده و حركي ده و استني تنفذي و تقولي ابدأ بايه هقت/لك في ايدي

تقي….وهي ميته من الضحك ايه الليسته دي كلها هو انت جربتني

عدي…..لا ماهو انا مينفعش اجرب عشان فيها م/وتك علي ايدي

تقي….بضحك علي فكره بقي انا ذكيه جدا و هبهرك

عدي….لا مفيش منه

تقي….بضحك يعني اتعلم مع حد غريب وانت موجود يا بدوي يا ابو الرجوله

عدي….انا مش راجل

ضحكت تقي بصوت عالي و مات/ت من الضحك

عدي…..بضحك وطي صوتك يا جزمه

تقي….بضحك متقولش علي نفسك كده يا قلبي

عدي….بضحك بت روحي انتي و هرموناتك دي و سيبيني اشتغل مش فاضي للجنان

تقي…..والله مش جنان عدي بجد عايزه اتعلم

عدي….طيب يا قلبي اتعلمي و ماله اقولك هجيلك عربيه هديه كمان لما تتعلمي بس حلي عن نافوخي و شوفي غيري يعلمك

تقي….بضحك يعني تضحي بتمن عربيه و متعلمنيش

عدي…..بضحك انا اضحي بروحي و معلمش بنت السواقه جربتها مره في رهف بنت اخويا و قولت توبه و قلبت عليها فضلت اسبوع زعلانه مني لا لا مقدرش مش عايز اخسرك

تقي…..بضحك وحياتي يا دودو

عدي…..سحب سحبه بسيطه وهو رافع حاجبه دودو

تقي…ملتت من الضحك يا قليل الادب يا سافل

عدي….دودو مين يا بت اظبطي قال دودو قال طب تصدقي عشان دودو دي مفيش سواقه اصلا

تقي…..بضحك طب خلاص عدي بجد هخاصمك انت بتقل مني خد بالك

عدي….انا بقل منك واقولك مش هتعرفي تسوقي و هبله و عبيطه

تقي….بضحك اهون عليك

عدي…..يا ستي خلي حد يعلمك ليله مثلا سواقه محترفه اسمعي مني والله هتعلمك و هتبقي جامده

تقي…..لا ليله خلقها ضيق و ممكن تم/وتني فيها او تركن و تنزل تجيبني من شعري وسط الشارع

عدي….وانا اللي خلقي قد الكره الارضيه ده انا هنزل افلقك نضين مش هجيبك من شعرك