لقاء كارثي

نعيمه….عايزه اشوفوا جداً و وحشني اوي و مفتقداه في حياتي بشكل مش طبيعي بس مرعوبه فضل عايز سبب قوي يخليه يسامحني و اسبابي اللي قولتها لاكل انا واثقه انها مش هترضي كبرياءه كا راجل البنات و حتي صحابه قالولي قولي الحقيقه و متكدبيش و حتي لو مصدقش متبرريش تاني و يمكن انا مش في دماغي اني اكدب لاني مش هعرف اعمل كده عايزه اكون حقيقيه بس كمان خايفه اوي

الدكتور…..انتي مش هينفع تكدبي و في نفس الوقت مش هينفع تقولي الحقيقه جايز موقفك صعب بس كمان نقدر نربط بين الكدب و الصراحه باجابه تريح و تطمن

نعيمه…انا خايفه بجد حاسه اني لما هشوفوا هتلغبط مش هعرف اتكلم والكلام هيتوه خايفه من رد فعله كمان مضايقه من ظهور رحاب في حياته و انه بدأ يتكلم معاها مش عارفه هو بيحاول يضايقني و لا بجد هو مرتاح معاها خايفه لو مصدقش او رفض السبب ده مش عارفه وقتها اتصرف ازاي و مش عارفه اعمل ايه

الدكتور…..خليكي حقيقه هاديه اتحكمي في توترك و ثباتك الانفعالي لما تبدأي الكلام معاه حاولي انك متسرحيش كتير او تسكتي عشان ميفسرش ده علي انك بتحاولي تلاقي كدبه فضل الوقت و اخد دور المهاجم هيركز في كل تفاصيل هيفسر سكوتك علي انه هروب او محاوله لاختلاق كدبه و مش هنقدر نلومه علي تفكيره ده لانه حاليا فاقد الثقه فيكي ودي نقطه لازم تعرفيها كويس

نعيمه…اكيد

الدكتور….حاولي توصلي كلامك زي ما وصلتيه لاكل بس لما توصليه لفضل صدقيه قبل ما يطلع منك عشان هو يقدر يصدقه جزء كبير من تصديق اللي بيتقال حتي لو كدب انك تكوني مقنعه قولي اللي عندك و سيبي الباقي عليه زي ما هما نصحوكي بالظبط كمان مش عايزك تقلقي من وجود اي حد او ظهور حد في حياة فضل جايز اوي يكون بيضايقك زي ما قولتي وده س/لاح بيستخدمه الشخص اللي اتجرح من حد بيحبه بمعني انه عايز يردهالك مثلا يضايقك يشوف رد فعلك يثبت لنفسه انك بتحبيه بغيرتك عليه وده بيكون اضعف س/لاح و جايز كمان يكون مش قاصد كده و يكون حقيقي محتاج يفضفض محتاج يقول مع غيرك اللي عايز يقولوا معاكي و يمكن يا نعيمه قرار رجوعك في التوقيت ده هو افضل قرار لان لو كنتي طولتي عن كده الفضفضه كانت هتتحول لارتياح و الارتياح تعود و التعود ممكن يتحول لمشاعر تانيه كتير و الراجل لما بيحس انه الطرف اللي اتساب او الطرف اللي اتظلم بيوجد لنفسه الف عذر لعلاقه جديده يمكن هو بيوهم نفسه ان ده العوض والبديل الافضل بس مع الوقت مبيبقاش مرتاح