لقاء كارثي

نغم ….تمام بس هاني كان شيطان حقيقي و كان مش محترم هنقول انه ضحك عليكي عيزاني ارتاح يا مريم و اسامحك رجعي معايا حق انغام و حق قهرتها و وجعها و السواد اللي كان معيشها فيه

مريم….افهمي يا نغم انا مستعده اعمل اي حاجه تريحك انتي وانغام بس النيابه مش عايزه كلام يعني لما اقولهم ضحك عليا مش هتاخد بكلامي هتسأل عمل ايه و انا مش عارفه اقول ايه هو صحيح ليه بلاوي كتير و واخد مني كتير و عامل مصايب بالكوم انا دارتها عليه بسس

تامر…قاطعها مفيش بس لو فعلا اللي بتقوليه ده صح و ماسكه عليه حاجه قدميها قولي كل اللي حصل قولي انه استغل مرضك و تعبك قولي انه هددك باي حاجه قولي ان بعد كل ده ما حصل اجبرك علي الجواز منه بحجه الفضايح و انه هيسوء سمعتك و اسمك و يقول للكل انك كنتي بتحاولي تعملي معاه علاقه في وجود انغام حتي الادله اللي كانت مع نغم قولي انك كنتي مجبره عليها

عسال…..لو قولتي كل ده و قدمتي كمان الي انتي مسكاه عليه هيروح في داهيه

عشري….عرفي المحامي و خليه يجيلك انهارده و هو هيبقي فاهم اكتر هو والمحامي بتاع نغم

نغم…..لو عملتي كده و خلتيني اخد حقي من هاني يا مريم هسامحك و من قلبي و هنسي كل حاجه عملتيها حتي فيا و هفتكر بس حب انغام و تعلقها بيكي

مريم…..بتأثر ابتسمت و مسكت تليفونها ثواني و ردت ايوه يا متر فؤاد عيزاك تجيلي انهارده ضروري علي الوكاله

فؤاد….تمام في حاجه

مريم….لما تيجي هتعرف متتاخرش

فؤاد…تمام يا هانم

قفلت مريم معاهم و بصت لنغم

مريم…..اللي انتي عيزاه هيتعمل يا نغم واكتر

بصتلها نغم و سكتت و بعد وقت بسيط قاموا راحوا علي العربيات عشان يمشوا بصتلها نغم

نغم….انا صحيح قولت اني هسامحك بس اوعي تفكري يا مريم اني هبقي في حياتك تاني بكره هيخلص و هتنازل و هنقول اللي اتفقنا عليه و لحد ما كل ده يخلص بعد كده انتي من طريق وانا من طريق

مريم….بهدوء تمام يا نغم المهم انك تبقي بخير

ركبت نغم مع تامر و مشيوا كلهم فضلت ساكته وباصه علي الطريق و هو جنبها ساكت.

في عربيه عسال…

نادين….اقولكم علي حاجه و محدش يضحك عليا

بصلها ميدو

عشري….قولي يا نودي

نادين….مريم صعبت عليا معرفس ليه حاسه انها مش وحشه

عشري……بابتسامه وهو بيبص جنبه و انا كمان هي فعلا مش حد وحش