لقاء كارثي

عسال….بضحك بعيداً عن اي حاجه انت مو/تني من الضحك

عشري ….بابتسامه انا كنت مصدوم الست دي مش طبيعيه بجد تركيبه غريبه في الاول فكرت الحوار لعبه و نمره بتتعمل عشان يثبتوا قدام الكل ان احنا اللي بدأنا و يبقي في شهود
وخوفت عليكم من الجاردات و مصدقتهاش الا لنا قالتلوا انت طالق كمل بضحك انا هنا اتصدمت بجد و لاقيت نفسي بضحك اول مره اتحط في موقف شبه كده مسرحيه بجد امبارح اما حشان حكالي وهو بيضحك اللي حصل منها و من سلامه يعني قولت عادي بتحصل ست عينها زايغه بس هي بجد تركيبه غريبه تبان قويه و جاحده تبان ست بتلف علي الرجاله ومش سهله بس هي كمان شكل جدع و طيبه يمكن ظروفها بس اللي عملت فيها كده و المشكله انها معترفه بكل ده عادي و مش مكسوفه او بتنكر و كمان حوار مرضها بتتعامل معاه بكل رضا الست دي لو كانت لقت حد في حياتها بيحبها عشانها اكيد اكيد كانت هتبقي حد كويس اوي

عسال….دي حقيقه الناس يا اما بتخلي الشخص حد مثالي يا اما بتخلي اللي قدامها يبقي شيطان
و انا كمان بجد صعبت عليا في الاخر لدرجه اني حسيت اني مختل عقليا اول مره اتعاطف مع حد غلطان يعني هي غلطانه و عملت حجات متتغفرش بس غصب عني صعبت عليا و انت عارفني يا عشري النوع ده من الستات بقفل منه قفله وحشه مبقدرش اتعامل مع ست بتاعت رجاله او جريئه بالفجر ده بس سبحان الله محستش لحظه اني مقفول من الست دي او بستحقرها

عشري…..صح يا ميدو انا كمان ويمكن حسيتها حد لذيذ بجد

نادين…بصتلوا بغضب نهارك مش فايت يا عشري ليله لو عرفت هتمسك في رقبتك انت وهي

عشري….بضحك تصدقي بالله ليله لو شافتها هتحبها انا عارف و بتكلم جد والله الست دي جواها نضيف

عسال…..حتي لفت نظري وهي بتتكلم عن امها واضح ان امها مكانتش حنينه عليها و زي الكل شاكته عشان فلوسها بس طلبت من نغم تاخد بالها منها بتحبها رغم ان هي شايفه قساوتها

نادين….انا اللي هلاها صعبت عليا جمله قالتها اما قالت لو كان في حد في حياتي وقف قدامي و اداني قلم يفوقني جايز كنت بقيت حد تاني هي كانت محتاجه حد ينصحها بجد ميشجعهاش علي الغلط عشان ميخسرش فلوسها بجد الناس بتفرق في حياة بعض و نغم صعبانه عليا اوي

عسال….هي صغيره و اتصدمت و ده حقها بصراحه المهم انت يا شيخ العرب هخلي ليله تنفخك