لقاء كارثي

الدكتور….بالعكس انتي لازم تبقي فخوره بنفسك لان 90 في الميه يا نعيمه من الناس اللي بتتعالج مع ثيرابيثت مبيقدروش بسهوله يوصلوا للي انتي وصلتيله مبيعرفوش يفرقوا بسهوله بين الاعجاب الحقيقي لشخص و بين الانطباع الاول و الحكايه اللي مكملتش في عقلهم بس انتي تفوقتي علي نفسك و في وقت قليل اوي بجد بحيكي ومصدقك جدا علي فكره شعورك بالذنب تجاه ليله و شعورك بانك مضايقه من نفسك تجاه عشري يثبت انك من جواكي شخص صحي و سليم

نعيمه….بابتسامه الحمد لله

الدكتور…..طيب مسالتيش عن فضل

نعيمه…..بصراحه لا مقدرتش كان نفسي اسال اول ما جم من غيره بس اتكسفت حسيت اني مليش عين بس هما لما اتكلموا معايا ونصحوني و عرفوا انا ليه عملت كده قالولي ان فضل هيجيلي بس يكون لوحده عشان نعرف نتكلم

الدكتور….وده الصح طيب قوليلي انتي قولتلهم ايه السبب

نعيمه…..زي ما اتكلمت معاك قبل كده نفس كلامي مع البنات كان معاهم نفسيا متلغبطه هايفه من الجواز والمسؤوليه خايفه افشل خايفه من المشاكل اللي امي وابويا كانوا فيها يعني مقولتش غير كده لاني مستحيل اقول غير كده

الدكتور….نعيظه في حد عارف انك بداتي خطوات العلاج مع ثيرابيثت

نعيمه….لا وبصراحه معرفش انا ليه مقولتش

الدكتور….مكسوفه

نعيمه….لا هالص بس يمكن انا محبتش اكبر الموضوع في دماغهم و اخليهم يشوفوا الموضوع ابعد بكتير من اسبابي مش حابه ان حد فيهم يسرح بعقله و يفكر في اسباب غير اللي قولتها فاهمني

الدكتور….فاهمك طيب لقائك مع اهلك كان شكلوا ايه

نعيمه….يجنن بجد اول مره احس بالقرب ده بينا يمكن بعيداًعن المشاكل احنا عيله جميله يعني لو الجو العام مفيهوش مشاكل بين ماما و بابا بنبقي نجنن بجد طبعا كانوا مبسوطين ماما صممت ابات معاهم حطيتلهم عن اللي حصل في السفر و سألوني عن اسباب سفري و انفصالي عن فضل قولت نفس الكلام اللي قولتوا للبنات والشباب واللي فرق معايا بجد علاقتي بنسمه اللي اتطورت كتير و اللي بندم اني معملتش كده من الاول اول مره اسمعها وانا مش زهقانه و عايزه اسمعها اكتر هي كمان كانت فرحانه اوي بجد كان يوم يجنن

الدكتور…..قوليلي يا نعيمه محستيش و هما بيسال كي عن اسباب سفرك انك تقوليلهم ان سبب من اسباب مشاكلك كانوا هما

نعيمه…. بابتسامه السؤال ده انا سالته لنفسي لما خدت قرار اني انزل كنت متوقعه ان الكل اكيد هيسألني و هما بالاخص كنت بقول لنفسي اخرج اللي جوايا واقولهم عشان ارتاح و عشان ياخدوا بالهم اكتر و ميكرروش ده مع نادر و نسمه و يوقفوا بقي و لا اسكت يمكن من جوايا كنت حابه اقول ده بس مقدرتش