لقاء كارثي

ريهام…. بابتسامه واسعه باي

قفلت و ابتسمت بسعاده وبصت علي الكارت و بعدين حطتوا في شنطتها و فضلت باصه علي الورد مربعه ايدها علي المكتب و سانده راسها علي ايدها وباصه للورد .

………………..

وصل الشباب الشقه مع نادين و نغم الوضع كان هادي شافوا حد قبل ما يطلعوا يغير كوالين الباب وقف يشتغل و هما بيتفرجوا علي الشقه.

كانت كبيره و تجنن و موقعها حلو الفرش و الديكورات متجدد بالكامل الاجهزه الكهربائيه جديده لانج يمكن مستخدمتش غير مرتين تلاته

نادين…..تامر هو انت تعرف اكيد تقدر المساحه بتاعتها بالعين كده صح

تامر…..اه علي فكره انا معايا متر في العربيه بس تمام اعرف اه

نادين….طيب شوف كده واديني مساحه تقديريه.

نغم كانت واقفه تايهه بتبص للبيت اللي اتغير تماما و مضايقه و حزينه فضلت تتحرك بهدوء في الشقه و تفتح اوضتها واوضه انغام و اوضه مامتها مفيش حاجه في البيت زي ما كانت الا تقسيمه الشقه

عسال….البيت حلو ماشاء الله و كبير

نادين…..دي حقيقه مش قادره استوعب ازاي خالتها خدت منهم البيت ده ب160 الف

عشري…..نعممم بتهرجي

نادين…والله العظيم و ياريتها اصلا ادتها الفلوس دي خدت نصيب نغم علي اسا انها لسه صغيره و هينفعها لما تتجوز و طبعا اختها جوزها خد منها الفلوس

عشري…..البيت ماشاء الله حلو فعلا مكانه حلو و حيوي العماره كويسه في اسانسير حتي الواجهه بتاعته علي الشارع

تامر……بص لعشري انت عارف اقل شقه هنا تساوي قد ايه

عشري….طبعا دي تعتبر وسط البلد بين الحسين جامع البنات والازهر العتبه الاوبرا يعني بمبلغ

عسال….هو انا مش عارف هنا الاسعار ممكن تبقي قد ايه بس غالبا ممكن تجيب مليون ولا ايه

عشري….لو هتتباع بفرشها ده تجيب طبعا

تامر…..لا اكتر تقريبا

نادين….اكتر طبعاً مساحتها اصلا كبيره

خرجت نغم بهدوء من اوضه انغام

نادين…ايه يا قلبي

نغم…. بابتسامه ايه

نادين…انتي كويسه

نغم….الحمد لله

عشري……نغم انتي ناويه علي ايه في الشقه دي يعني تأجريها ايجار جديد مفروش تبيعيها خالص

نغم….هو انا بصراحه مش عارفه يعني نادين هي اللي هتتصرف انا مش بفهم في الحجات دي انا كل اللي عيزاه ان ميبقاش ليا علاقه بالمكان هنا تاني فا بيتهيألي ابيعها احسن

عشري….طيب هتبيعيها بفرشها و لا من غير يعني لو مفروض برضوا تمن اللي فيها هيتقدر و يتباع بيها ولو من غير اكيد هيبقي ليها سعر