لقاء كارثي

سليم…….ماشي ربنا معاكي ان شاء الله هسيبك بقي و اي وقت تاخدي راحه كده لو عايزه تكلميني انا موجود

نسمه….ماشي ااا سليم

سليم….نعم

نسمه….شكراً

سليم…..بابتسامه علي ايه ؟

نسمه…اااا يعني علي كل حاجه بتعملها معايا شكراً انك موجود

سليم…..بابتسامه انا مش بعمل حاجه يا نسمه انتي تستاهلي اكتر من كده بكتير و انا اللي شكراً عشان انتي موجوده

نسمه…..بأبتسامه اااا طيب يلا باي

سليم….بضحك باي يا بركه

ضحكت نسمه و قفلت معاه.

…………………..

وصلوا البنات عند ايمي سلموا عليها كانت مبسوطه اوي بيهم.

عرفتهم علي چوي

نعيمه…..وحشتيني

ايمي….يلا يا واطيه لو وحشتك كنتي جيتي

نعيمه….والله مشغوله اليومين دول مع نودي عشان في اوردرات بتطلع حتي اساليها

ايمي….ليه يا اختي ما هي نادين بتيجي

نادين….بابتسامه لا والله يا ايمي هي قالتلي عايزه تجيلك و حقيقي هش مشغوله الفتره دي و علي فكره كانت جيالك بليل تقعد معاكي بس ليله اللي قالت نيجي الوقت

نعيمه……اهو شوفتي

ايمي…ايوه يا اختي انتي كمان دافعي عنها و طبليلها

نادين…. بضحك تعرفي عني كده

ايه….بت يا نادين ايه الشنط دي انتي جايبه لايمي من الاوردر الجديد و احنا لا ده انتي يومك اسود

نادين….والله ابداً دي حاجات هي طلبتها لچوي

ايمي…فكرتيني صحيح فرجيني يلا جيبتي كل اللي طلبتوا

نادين….اه اختارت انا و نوني حجات تجنن و جيبنا الغيارات الداخليه و احنا جايين عليكي هتعجبك

ايه….ايوه مفهمتش بردوا يعني دي حاجتك و لا ايه

ايمي….احيييييه يابت عالرغي بالعه راديو دي حجات لچوي

ايه…..اه طيب بحسب الاوردر الجديد كنت هروقها

نادين….علي فكره هي فعلا من الاوردر الجديد بس انا سيباكم للي جاي هيعجبكم جداً

ايه….طيب فرجيني بردوا

نادين……طيب هتناديها تختار ولا ايه يا ايمي

ايمي…..اه طبعاً چوي چوي

سلمي…..بتلعب مع هنا جوه ممكن متسمعكيش

خرجت چوي من الاوضه

ايمي….اهي جات

چوي….نعم مدام

ايمي ….بابتسامه تعالي يا چوي جنبي هنا

قربت چوي منها و فضلت واقفه جنبها

ايمي….بصي يا چوي اللبس ده اختاري منه اللي يعجبك و شوفيه مقاسك ولا لا

چوي….بابتسامه لي انا

ايمي…..بضحكه جميله اه ليكي

نادين….بابتسامه قامت تعالي اقعدي مكاني هنا و اختاري براحتك