لقاء كارثي

عدي……طيب تمام يا حبيبي روحي نامي و انا شويه و هصحيكي

تقي…..اوك هو انت فين

عدي…..تحت في الكافيه

تقي…… بابتسامه ماشي شوف شغلك و متعاكسش البنات

عدي….بضحكه جميله حاضر طيب ينفع اعاكس بنت او اتنين

تقي….بضحكه هاديه طيب اذا كان كده ماشي

عدي….بضحك مش هعاكس حد يا هبله

تقي…. بابتسامه يلا باي

عدي…..باي يا قلبي

…………………

صحيت ليله من النوم قامت دخلت الحمام و خرجت علي صوت موبايلها فكرت عشري لقت رقم غريب

ردت و طلع حد من الشركه بيبلغوها انهم في الطريق قفلت ليله و راحت علي المطبخ عملت قهوه و قعدت علي البار و لعت سيجاره و مسكت الموبايل تاني اتصلت علي نعيمه تشوفها فين الموبايل بتاعها كان مغلق هي و نادين عرفت انهم لسه في المخزن..
اتصلت علي عشري

عشري…..صباح الفل علي احلي بلطجيه في الدنيا كلها

ليله….بأبتسامه صباح الفل يا بلطجي

عشري…..لسه صاحيه و لا صحيتي و نسيتي تتصلي

ليله…..لا والله لسه صاحبه غسلت و شي و عملت قهوه و بكلمك

عشري…..ايه الاخبار

ليله…..بخير الحمد لله يا حبيبي فينك كده

عشري…..في البيت فوق

ليله….انت لسه كل ده منزلتش

عشري….لا لسه

ليله….انت بتصيع عليا يا بلطجي امال ايه الاصوات اللي حواليك دي

عشري…..بابتسامه مفيش عندي ناس

ليله…..ناس ! ناس مين انت عامل حفله في بيتي ايه صوت الرجاله دول كلهم

عشري….بضحك عاملين حفله و جايبين نسوان

ليله….بضحكة غيظ نسوان في عينك جرب عشان اخلي يومك اسود

عشري….طب وانتي مالك مضايقه ليه بودع العزوبيه

ليله…..بابتسامه لا وعلي ايه ميرضنيش تودعها خليها فيها يا حبيبي

عشري…..بابتسامه مقدرش و بعدين تعرفي عني كده

ليله……كلكم نفس الصنف يا متشرد

عشري….اوباااااا مش بتثقي فيا

ليله…..والله انا بثق في اللي بتقولوا وانت اعترفت انك جايب نسوان

عشري….بضحك طب وانتي غيرانه ليه

لياه….وانا هغير ليه يا حبيبي اشبع بيهم بقولك ايه اقفل انا غلطانه اني اتصلت اشوفك

عشري….بضحك استني بس والله بهزر

ليله…..مين اللي عندك يا بلطجي و بتعمل ايه في البيت

عشري….يابت بطلي جنان هكون بعمل ايه في حجات بسيطه محتاجه صيانه بظبطها

ليله….صيانه ايه بالظبط انا هموت واعرف انت بتعمل ايه في البيت

عشري…..ولا حاجه حجات بسيطه لما تيجي هتشوفيها