لقاء كارثي

نعيمه……طيب يا ستي متتأخريش طيب

ليله….لا جايه علي طول وراكم يلا بطلي رغي و اقفلي بقي

نعيمه….يلا باي

ليله….باي

……………….

سليم كان صاحب من الساعه تسعه واقف بيتابع الشغل و كل شويه يروح يشوف لو عشري محتاج حاجه و يرجع تاني قعد يشرب شاي و سيجاره موبايله رن

سليم….بابتيامه صباح الخير

نسمه….صباح النور يا سليم اخبارك ايه

سليم….تمام الحمد لله صوتك فايق انتي صاحبه من بدري ولا ايه

نسمه…..مش من بدري اوي يعني صحيت من شويه و هنزل الوقت قولت اتصل عليك اشوفك صليت ولا لا

سليم….بضحك لا يا شيخه ماشي صليت يا ستي انتي بقي صليتي

نسمه…اه والله العظيم صليت الحمد لله

سليم….طيب الحمد لله رايحه فين بقي ؟

نسمه….نازله اصور ورق

سليم….ورق ايه اللي هتصوريه

نسمه….في واحده زميلتي بعتتلي شيت مهم لمراجعه و بعتتهولي عشان اذاكر منه هي بتاخد كورس مع دكتور الماده يعني فقالتلي اذكر منها

سليم….طيب و تصوريها ليه

نسمه….بابتسامه ما انا بقولك عشان اذاكر منها يا سليم

سليم…..لا مقصدتش مش انتي بتقولي بعتتلك الشيت علي الموبايل هتنزلي تصوري ليه

نسمه….اه فهمت طيب انا هصور لاني مش هعرف اذاكر كده

سليم….يعني ايه مش هتعرفي تنزلي نسمه انتي عايزه تنزلي و تهربي من المذاكره وخلاص صح

نسمه…. بضحك لا والله العظيم

سليم….طب امال ايه هي بعتتلك علي الموبايل يعني معاكي عايزه تنزلي تصوري ايه مش فاهم

نسمه……مش هعرف اذاكر علي الموبايل

سليم….اعملي زوم عادي الخط هيكبر

نسمه….بابتسامه سليم المشكله مش في الزوم اكيد

سليم….امال في ايه

نسمه…..اولا انا مش عايزه ابقي ماسكه الموبايل و انا بذاكر عشان متشغلش او يبقي عندي فضول لاي اشعار يجيني مش هعرف اركز

سليم….عادي افصلي النت

نسمه…..بابتسامه طيب سيبك من النت انا مش بعرف اذاكر عن طريق الموبايل عموما او اللاب انا لو مكنتش ماسكه ورق او كتاب في ايدي مش هعرف

سليم….لا والله و ايه الفرق بقي

نسمه…. بابتسامه تقدر تعتبرني مريضه نفسيه مش بعرف والله حتي لو في كتب او روايات حلوه عايزه اقرأها مش بعرف اجيبها عن طريق النت لازم اكون ماسكه كتاب في ايدي ريحة الكتب نفسها و الورق بتخليني اندمج اكتر ليهم طعم مختلف

سليم…. بضحك امممم هو كلام عميق بس انا مش مقتنع و حاسي انك عامله زي العيال الصغيره و بتهربي من المذاكره بس تمام