لقاء كارثي

سلمي…..فعلا يا ليله يعني تبقي غبيه لو فعلا عايزه تعمل حاجه و تيجي تلفت نظرك

نعيمه……قولولها والنبي عشان هتشل منها يا بنتي دي نفخه واحده مني اطير امها

ليله…..جايز معاكم حق و جايز مريم اضعف كتير من انها تأذي بس انا عايزه اقولكم حاجه انا اتعودت مديش الامان لحد و اخد اي تهديد بعين الاعتبار حتي لو من جوايا واثقه ان الشخص اللي بيهدد تافهه و مش قد كلامه كملت بهدوء ثابت ونبرة واثقة اللي الانتقام مالي عينه مش دايماً بييجي يضر,ب ساعات بييجي يبتسم يا نعيمه و مش كل اللي بيهدد غبي ولا كل اللي ساكت نديله الامان في ناس بتتكلم عشان تزرع خوف في قلب اللي بيسمعها وناس بتتكلم عشان تلهي اللي قدامها عن الضر,بة اللي جاية مريم يمكن تبان ضعيفة ويمكن تبان إنها بتبالغ
بس اللي شايف نفسه مظلوم وعايش على فكرة الانتقام
بيبقى مستعد يعمل أي حاجة عشان يثبت لنفسه إنه قوي أنا مش بخوفكم ولا بديها أكبر من حجمها
بس اللي اتلسع مرة ما بيقربش من النا,ر تاني و الحذر مش جبن
والتأمين مش ضعف وأنا اتعلمت إن أسوأ ض,ربة بتيجي من شخص استهنت بيه قبل كده و مصدقتش انه يقدر ينفذ اللي هدد بيه احياناً يا نعيمه الثقه الزايده في نفسنا و تقليلنا من الخصم اللي قدامنا بيخلينا ندفع التمن و انا مستحيل اخلي مريم تسبقني بخطوه خصوصا لو الخطوه دي في حد منكم ممكن يتأذي بسببي

نادين……صح يا ليله انا مكنتش اتوقع ابداً ان هادي يعمل معايا حاجه زي دي مش لانه بيحبني بالعكس لاني كنت ديما اشوف انه اضعف و ابعد بكتير من انه يأذي كنت فاكره مكالمته الاخيره مجرد تهديد و علي فكره هادي عامل زي مريم مكانش بيحبني بس اضايق لما بقيت مع غيره و مش بس كده ده صور لنفسه اني خونته او اتخطفت منه شاف انه مظلوم و اني جيت عليه

ايمي…..بعد صمت طويل ليله معاها حق يا بنات اه مريم متاخدش في ايد اي واحده فينا غلوه و ليله لوحدها كفيله بيها بس كمان مش لازم نستخف بيها انا مصدومه من كلامها بجد ازاي قادره تصدق انها ضحيه ازاي شايفه انها خسرت كل ده بسبب ليله متخيلين بعد كل العك اللي هي عكيته ده في حياتها بترمي اللوم علي ناس غيرها اللي زي دي حقيقي مريضه نبرة صوتها وكلامها و ثقتها انها ضحيه تثبت انها مختله عقلياً و مستبعدش ابداً انها بقت سايكو و لازم نصدق تهديدها حتي لو كانت قاصده تزرع الخوف جوه ليله