لقاء كارثي

ايه…..يا نهار اسود و منيل للدرجادي

ليله…..و اوسخ امال انا ليه قررت اقولكم انا لو شاكه ولو واحد في الميه ان كلام مريم ده ولا حاجه مكنتش هتكلم ولا هقلقكم بس زي ما قولت متعودتش استهون بتهديد اي حد حتي لو اللي قدامي تافه

ايمي…..ليله في حاجه جات في بالي الوقت و مش عارفه ليه حاسه ان مريم ممكن تكون وراها

ليله……حاجه ايه ؟

ايمي……محمود اخو عشري يا ليله انتي شايفه ان التحول الغريب ده في شخصيته عادي

ليله…..لا مش عادي بس تقصدي ايه مش فاهمه اللي اعرفوا انه مضغوط اه انا قربت منه و عارفه ان دي مش شخصيته محمود حد محترم و طيب و هادي بس جايز يكون عنده مشكله

سلمي… ..تقصدي ايه يا ايمي

ايمي…..مش عارفه بس احتمال كبير اوي ان مريم تكون عملت مع محمود حاجه و هو مش عايز يتكلم

ليله…..وانتي متخيله ان لو مريم عملت معاه حاجه هو هيسكتلها

ايمي….واحد مره واحده كارهه الدنيا و اهله و خطيبته و عايز يهج من المكان ده طبيعي لشخصيته اللي بتحكي عنها

ليله……لا بس مريم ايه دخلها بالموضوع هتهدده مثلا بحاجه

ايمي……لا بس من ضمن الاذي انها تعملوا سحر او عمل يخليه يوصل لحالته دي هي مش قالتلك انا بدأت بالفعل ليه متكونش بدأت بمحمود

نادين…..لا عمل و سحر ايه بس بيتهيألي مش للدرجادي

ايمي….وليه لا ما احنا قولنا اللي بينتقم مستعد يعمل اي حاجه

ليله……يمكن معاكي حق بس استبعد الموضوع ده يمكن هو زي ما قولت مضغوط من حاجه

ايمي…..مره واحده كده اضايق من طلبات واوامر اخواته ساب خطيبته عايز يسافر مش عايز يصلي مش عايز يروح يعمل عمره رشيد كلم عشري و حكاله كل ده انتي شايفه ان ده طبيعي

ليله…..بشرود مش عارفه مش عارفه يا ايمي

نعيمه….لا يا اختي لازم تعرفي و بما انك مصدقه شرها و عيزانا احنا كمان نصدق و ناخد حذرنا يبقي توقعي اي مصيبه تاخدها و بعدين بتقولك في التسجيل انا هخلي عشري يلعن اليوم اللي عرفك فيه و يكرهك تفتكري تقصد بده انه يكرهك عشان حد فينا اتأذي اكيد لا ده هيخاف عليكي اكتر لو اي حد مننا كلنا او من اهله اتأذي بس هيكرهك فعلا لو اذاها دخل في السحر والاعمال و لو زي ما بتقولوا كده الشر عاميها و حابه طريق الحرام اللي هي ماشيه فيه ده يبقي اول ما هتلجأ لحد هتلجأ للدجالين