لقاء كارثي

چوي…..ايوه بعرف

ايه….استني انا هاجي اجيب العصير

ايمي…..اه روحي معاها والنبي يا ايه و في حلويات كمان هاتي منها

ليله….حلويات عالصبح

ايمي…..بابتسامه طب ايه اجيبلك مخلل طيب

ليله….لا ياستي شكراً

راحت ايه جابت عصير ليها هي و هنا و رجعت قعدت

ايمي….خير يا استاذه لسه مخدتيش نفسك

ليله……بقيتي اوسخ من نعيمه في الزن و الفضول

نعيمه…..انا اتكلمت يا ست انتي

ايمي…..يابت قلقانه عارفه انك مش هتجمعينا كده غير لو في مصيبه ومش داخل عليا انك عايزه تاخدي رأينا في حاجه

ليله…..بابتسامه طيب هو انا مش عايزه اخد رأيكم في حاجه بالمعني الحرفي بس انا محبتش اقلقكم

ايمي…..شوفتوا كان معايا حق قلقي طلع في محله

سلمي…..في ايه ؟

نادين…..طيب قولي يا لولي متقلقيناش

قرب چوي بالقهوه و النسكافيه

ليله…..شكراً يا چوي

چوي….العفو

ايمي…..چوي ممكن تاخدي هنا و تلاعبيها بره شويه

ليله…..اااا طيب بلاش بره خليهم هنا احسن قدامنا

سلمي……بهمس في ايه يا ليله

ليله….هقولك

ايمي…..طيب روحوا الاوضه العبوا باللعب يا هنا

هنا…..اوك

راحت چوي وراء هنا

ايمي….بت هو الحوار يخص چوي ولا ايه

ليله….باستغراب چوي !!

ايمي…..اه امال ايه خليهم قدامنا دي؟

ليله….. لا لا ملهاش علاقه طبعاً و بعدين مالي انا و مال چوي

ايمي…..طيب امال ايه حسستيني انك خايفه علي البت منها

ليله…..لا خالص بصوا يا بنات اولاً كده انا مكنتش حابه اقول عشان متقلقوش و انتي بالذات يا ايمي انا مش حابه تتوتري خالص زي ما الدكتوره طلبت بس انا اول مره احس ان عقلي واقف و مش عارفه افكر من غيركم

ايمي….في ايه يا ليله قلقتيني بجد موضوع ايه طيب

ليله…..الموضوع يخص مريم

ايمي…..مريم

نعيمه…..هي الحيزبونه دي عملت حاجه تاني ولا ايه مش كانت اختفت من اخر مره طلعتلك انتي و عشري و كانت عايزه ترجع بيتها و خلاص

سلمي….هي كلمتك الصبح ولا ايه يا ليله؟

ليله….. لا انا هحكيلكم اللي حصل و عايزه رأيكم اول امبارح لما كنت مع عشري و هنا وصلت قدام المحل بتاع اللانچير و قولت لعشري يفضل هو و هنا و انا هدخل اشتري براحتي و نزلت دخلت اشتريت و بعدين البنات اللي بيشتغلوا خرجولي الحاجه عشري وقف يساعدهم و يحط الحاجه في العربيه حسيت فجأه اني لمحت مريم ملفتش اي نظر و بصيت بهدوء اتأكدت منها و من عربيتها انتوا عارفين اني مش بنسي ابداً و ذاكرتي كويسه و لمحت ارقام عربيتها لما قطعت الطريق عليا انا و عشري بس خلصنا و مشينا و طول الطريق باصه في المرايا و هي ورانا لا بتقرب مننا و تقطع علينا و لا بتعمل حاجه غير انها بتتحرك ورانا