لقاء كارثي

ايه…..يا نهار اسود انا مش متخيله تن في حد بالشر ده

سلمي…..لا تخيلي اذا كانت بتقولها كنت عايزه اجي احتفل معاكي بنزول البيبي بس مكنتش قادره لسه و تبعانه دي جاحده و بجد انا مرعوبه علي وجود هنا معايا

ليله…..حاولي تسبيها يا سلمي

سلمي…..افرضي معرفتش طيب

ليله….يبقي هتعملي اللي قولنا عليه هتاخدي اجازه كام يوم او تجيبي حد من زمايلك يشتغل عشان العياده متفضلش مقفوله و لما الشباب و حسان يعرفوا حسان اكيد هيفهم و يمكن هو اللي يمشي هنا من عندك عشان يبعدها

ايمي…..و انا هتصل برشيد افهم ا ان في حاجه مهمه و لازم هو والشباب و اخوات عشري يكونوا هنا عشان نفهمهم لازم يعرفوا عشان يخلوا بالهم من الكافيهات و يراقبوا ديما لو في حد غريب البت دي ممكن توديهم في داهيه حتي ريهام مش عايزين نسيبها لوحدها كتير هي و المطعم يعني لازم نركز علي قد ما نقدر لحد ما نشوف حل او اخوات عشري يتصرفوا مع اهلها طول ما هما مقاطعينها و متبريين منها كده مش هيقدروا يسيطروا علي اذاها

ليله…..المهم عشري ميعرفش

ايمي…..مش هنقولوا حاجه متقلقيش

ليله….طيب بصي احنا كل واحد فينا يشوف عنده مشاوير او شغل و نخلص ونرجع بليل اعرفي بس من رشيد نكون هنا امته

ايمي…..ماشي هقولكم علي الشات بتاعنا

ليله…..هتروحي لحسان يا سلمي امته

سلمي…..هو هيعدي عليا هنا

ليله….طيب احسن عشان تفضلي مع ايمي شويه

نعيمه….انا هفضل مع ايمي لحد ما ترجعوا بليل مش ورايا اي حاجه خدي انتي نادين و خلصي مشاويركم و متخافيش انا معاها

ليله…..وانتي يا ايه لو مش عندك شغل بلاش تروحي

ايه…..عندي بس متقلقيش هخلص علي طول و هرجع بس صحيح احنا المفروض نعرف شكل مريم دي ممكن تتعرف علي اي واحده فينا علي انها زبونه او بتتكلم في شغل

سلمي…..ايوه صح و رقم عربيتها كنان

نعيمه…..انا حافظه شكلها كويس شوفتها اليوم اللي طلعت فيه لليله ويبقي حظها حلو لو قربت مني هنفخ امها

ليله….هبعتلكم صوره ليها و رقم العربيه علي الشات انا مش هتأخر عليكم هاجي علي طول خدي بالك من چوي تطلع بره و لا تعمل فيها حاجه هتلبسكم مصيبه لحد بس بليل ما نلاقي حل و نخلص من القرف ده قبل ما اروح اولع فيها و اخلص

ايمي……متقلقيش يا ليله و اهدي كده و كل حاجه هتتحل ان شاء الله