لقاء كارثي

نادين…..او سيبيها مع حمودي في البيت او ممكن انتي و ايه تبدلوا اجازات مع بعض معلش كام يوم بس المهم يبقي معاها حد فيكم فالبيت

ايه…..ايوه بس ده مش حل و بعدين انتوا دماغكم راحت بس مع هنا ماهي ليله بتقول ان الكلام و القلق علينا كلنا يعني ممكن تأذي اي حد فينا

نعيمه……ليله اللي بيحصل ده تهريج عشري لازم يعرف

ليله…..مش هقدر يا نعيمه عشري بالذات مينفعش يعرف هيقلب الدنيا والله العظيم

نعيمه…..ما انتي لو خايفه علينا يا ليله و جايه تحذرينا يبقي هو كمان و الشباب لازم يعرفوا اينعم انا مش مقتنعه بتهديدها بس لو همشي معاكم للاخر و هصدق انها ممكن تعمل حاجه هي قالتلك القريب منك والقريب منه يعني لازم تحذريه مش يمكن تأذي عشري او اهله او حد من الشباب

ايمي….ليله نعيمه معاها حق في اللي بتقولوا ده اولاً بعيداً عن عشري الشباب لازم يعرفوا و ده ضروري و مش هما بس اخواته كمان عشري اه مجنون و متهور و في موضوع مريم ده بالذات انا معاكي فيه ممكن يقلب الدنيا بس اخواته اكيد هيكونوا اعقل منه و اول سبب في معرفتهم انا ملاحظه ان الفتره دي عشري مثلا بيخرج يعمل مشاوير كتير لوحده بس لو الشباب عرفوا محدش فيهم هيسيبوا و لو مش فاضيين اخواته يبقوا معاه

ليله…..انا فكرت اقول لعلي و عمر بما انهم الاكبر و الاعقل و عارفين الحوار كويس اكيد هيفهموا و يتصرفوا بهدوء بس مش عارفه اعمل ده ازاي وامته كمان الفرح قرب و مش عارفه مريم ممكن تعمل ايه اكيد هتتجنن اكتر و جايز شرها يعميها اكتر من كده بكتير

ايمي…..بسيطه نكلم رشيد ونفهموا و نخليه يتصل هو علي الشباب وحد من اخوات عشري و يجوا حتي انهارده نتكلم معاهم و نفهمهم لان انا واثقه كمان ان مريم مش لوحدها

سلمي…..يعني ايه مش لوحدها

ايمي…..حد بيساعدها يا سلمي ما هو مش طبيعي تركز مع الكل بالشكل ده و بالطريقه دي يعني في التسجيل بتقولها كنتوا مسافرين اه معلومه عاديه و ممكن تعرفها بسهوله من اي حد بس ده معناه انها مركزه عارفه مين مسافر معاهم و امته رجعوا يا جماعه احنا عدد و عشان مريم تركز اوي كده للزم حد يساعدها و الفلوس بتعمل كل حاجه ديتها تدفع مبلغ لاي حد يجيبلها الاخبار و اوعوا تنسوا انها لما قابلت لياه اول مره كانت عارفه عنها كل حاجه عارفه بيوت اخواتها عارفه ظروفها مع عيلتها عارفه قصتها مع ابوها عارفه انها كانت من شبرا و دي مش معلومات اي حد بيعرفها غير لو دفع عشان يعرفها ماهو بالعقل ليله مش كاتبه قصه حياتها علي الانستا مثلا عشان نقول هي عرفت منه