لقاء كارثي

ايمي…..عشري عرف قولتيلوا

ليله……لا مخدتش بالوا و محبتش اني اقول لان عشري اخر مره انا واققه انه كان هيقت.ل مريم لما قطعت الطريق و شافها اتجنن و مسك السلا,ح انا اللي وقفتوا و بعدين انا بدأت احسن ان عشري من بعد اخر مشكله حصلت بينا وجود مريم بجد بيوتره و اوقات بحس انه مستعد يعمل معاها اي حاجه عشان يبعدها عننا هو متخيل ان ظهورها تاني بعد اللي حصل ده ممكن يخليني اقلب عليه او ارجع اضايق فا بحس انه مستعد يعمل فيها اي حاجه عشان بس يحسسني انه ملوش علاقه بطل ده انه مش في حياتها عايز يرضيني حتي لو هيروح في داهيه فكره اني مخدتش حقي بنفسي منها موتره عشري طول الوقت و انا واثقه انه لو كان عرف انها ورانا او خد باله منها كان فقد عقله خالص المهم كملنا مشاويرنا و بعدين روحنا علي المول مش هنكر اني حسيت بقلق و توتر بس محبتش اظهره

نعيمه…..قلق من دي يا ليله هو مين اللي المفروض يقلق

ليله…..مش منها اكيد يا نعيمه بس اللي زي مريم اتوقع منه اي حاجه كنت خايفه علي عشري و كنت خايفه علي هنا متنسيش انها كانت معايا و اي مصيبه تحصل او تهور من عشري انا مش هقدر اتصرف لان هنا معايا و مسؤوليه كبيره المهم يعني كملنا اليوم بس ملمحتهاش خالص جوه المول و حتي واحنا راجعين مشوفتهاش ورايا خالص مش عارفه بقي كانت بعيد او مشيت اطمنت اني وصلت هنا بخير لسلمي و فضلت قلقانه لحد ما عشري وصل لان في الاول كنت متوقعه انها قاصده عشري او ماشيه ورانا عشانه مقالش اي حاجه و وصل الحمد لله وانا مش هكدب عليكم حاولت افهم سبب مشيها ورانا و معرفتش ملقتش اجابه

نادين…..بس اكيد مشيها وراكم ليه سبب يا ليله يعني انها تراقب خطواتكم دي مش صدفه ولا فضول

ليله……ما انا جيالكم في الكلام لان ده اللي عرفتوا امبارح نزلت الصبح و نعيمه كمان كانت نازله تقابل فضل و بعدين تروح لحماتها اول ما نزلت ركبت العربيه و بكلم عشري لمحت عربيتها في المرايا وماشيه ورايا روحت عند ايمي و فضلت قاعده معاها هي و امنيه شويه و هي بره متحركتش

ايمي…..يعني لما كنت امبارح عندي كانت هي وراكي

ليله…..اه مشيت و روحت لريهام وهي ورايا و بردوا قعدت شويه مع ريهام بعدها مشيت و عملت كام مشوار و اشتريت الحاجه و هي مصممه تفضل ورايا سحلتها من الاخر مشاوير لا بتتعب و لا بتزهق و لا بتمل مفيش لحد ما خلصت كل حاجه و رجعت قبل ما ادخل علي البيت بشويه اتعمدت اقف علي جنب في مكان هادي بعد المكان بتاع القهوه يا نعيمه