لقاء كارثي

ليله……بضحك اتلم يا متشرد مبتصدق انت

عشري…..بضحك الحق عليا اني خايف عليكي

ليله….خايف عليا بردوا و لا عايز تتفرج

عشري…..بضحك اتفرج عادي عشان لو حسيت انك تعبانه ولا في حاجه الحقك صفي نيتك بقي

ليله….نيتي انا بردوا يلا يا بلطجي خليني اخلص

عشري….بابتسامه ماشي يا ستي يلا باي

ليله….باي يا حبيبي.

قفلت و اتصلت علي ايمي و هي بتطلع لبسها.

ايمي…..الووايه يا قلبي مبترديش ليه

ليله……ما انا كتبتلكم ان بتاع الصيانه عندي

ايمي…..طيب مشي

ليله….اه مشي خلاص

ايمي…..طيب في ايه بقي

ليله….مفيش يا قلبي عيزاكم عايزه اخد رايكم في حاجه

ايمي….طيب ماشي انا بس اتخضيت انتي مش بتطلبي نتجمع كده غير لو في مصيبه

ليله…..بضحك ليه يا واطيه ده انا علي طول بجمعكم عشان واحشني

ايمي…..بابتسامه اخر مره جمعتينا هنا كان في مصيبه و بعدها اختفيتي اسبوع

ليله….بضحك لا متقلقيش يا ستي

ايمي….طيب مستنياكم

ليله…..ماشي جوزك مشي

ايمي….لا بيجهز

ليله….طيب علي ما يمشي نكون اخنا جاين

ايمي…..ماشي يا قلبي

ليله….محتاجه اي حاجه اجيبهالك

ايمي….ولا اي حاجه

ليله….اوك يا قلبي بقولك ايه انا هقفل عشان نادين بتكلمني

ايمي…طيب يلا باي

ليله……ايوه يا نادين

نادين….ايه يا لولي في ايه انا لسه شايفه المسدچ بتاعتك الوقت

ليله….ولا حاجه عيزاكم ضروري لما نتجمع هقولكم هي نعيمه فين

نادين….جنبي اهي طيب طمنينا في حاجه

ليله….مفيش قولتلك لنا اجي هقولكم عرفي بس نعيمه تروح علي هناك

نادين….انا كده كده رايحه الوقت اصلا عند ايمي بس نعيمه مكانتش هتروح غير اخر النهار عشان كده بنسأل في حاجه ولا ايه

ليله…..اديهالي طيب

نادين….اهي معاكي

نعيمه….ايه يا ليله في ايه

ليله….يا ستي مفيش حاجه هو اللي طالع عليكم في ايه في ايه عيزاكم في حاجه

نعيمه…..ما مش بعاده نتجنع الضهر دي اكيد في مصيبه

ليله …ولا مصيبه ولا حاجه

نعيمه….ماهو لو مش حاجه مهمه خليني انا و اروحلها اخر النهار

ليله….لا مهمه و عيزاكي معانا اخلصي بطلي زن انا هاخد شاور والبس وهحصلكم علي طول

نعيمه…..السخان اتصلح

ليله….اه اتصلح خلاص الحمد لله

نعيمه…..طب ما ارجع استحمي ينوبك فيا ثواب انا كده كده قريبه منك

ليله…..بت متبقيش زنانه ترجعي يعني فيها سنه لما نخلص عند ايمي ابقي ارجعي استحمي براحتك