لقاء كارثي

ايه…..بس لدرجه انها تاذي يا ايمي

ايمي…..اه ليه لا و خدي بالك زي ما قالت لليله ان هدفها مش اذيه ليله او عشري بشكل مباشر هي عايزه تأذي اللي منها و منه عشان توجعهم و دي اكتر حاجه انا مصدقاها بجد

اذيتها ليهم هما مش هتريحها هي هترتاح لو شافتهم موجوعين علي اللي منهم و هي دي الطريقه اللي بيلجألها المريض النفسي اه جايز هي مش في وعيها من كميه السواد اللي مغميه عينها بس المريض النفسي اذكي الف مره من اي بني ادم طبيعي و ده اللي تخافي منه

ليله…..كمان عايزه اقولكم علي حاجه اللي زي مريم جايز تخاف تقرب من اي حد قوي يعني هدفها ديماً هيكون علي الاضعف تخاف مثلا من واحده زي نعيمه من سلمي لكن ايه نادين ايمي لا و مش معني ده انكم اضعف واحده زي ايمي مش هتسمي عليها بس لو مريم مرقبانا كويس من فتره و احنا منعرفش جايز تكون عارفه ان ايمي حامل و هي بالنسبه ليها كده ضعيفه

نادين وايه مش بيخونوا اي حد بسهوله و بيتعاملوا بطبيعتهم مش بسهوله يكتشفوا ان اللي قدامهم مؤذي انا نفسي اول مره خالص اتعرفت علي مريم شربت كدبتها و فتحتلها بيتي علي انها واحده عايزه توصل لنادين عشان تأجر شقه فا سهل تدخل لنادين عن طريق شغلها سهل تروح لايه المحل انا عبزاكم تتوقعوا معايا اسوء الاحتمالات

حتي انتي يا سلمي وجود هنا معاكي الوقت مبقاش مريحني

ايمي…..صح انتي متخيله انها ممكن اصلا تاذيكي في هنا عشان توقعك انتي و حسان في بعض و تبقي مصيبه بجد مع امها

سلمي…..طيب اعمل ايه

ايمي….انتي مش لسه قايله ان علا عايزه تشوف البنت و هتروحي انتي و حسان تخلوها تشوفها انهارده في المستشفي لو هنا شبطت فيها سيبيها

ليله……ياريت يا سلمي تبقي خلصتي من حملها و سلمتيها لحض,ن امها و بعدنا عين مريم عن البنت خالص

سلمي….افرضي مشبطتش فيها او افرضي هنا اقنعوها تفضل لحد ما تخرج من المشتشفي اصلا حسان قالي كده ان هي مش هينفع تفضل معاهم هتبات في المستشفي ازاي
اكيد مش هقدر اقولهم لا خلوها هتتفهم غلط اني مش عيزاها او مصدقت و وقتها حسان اللي هيضطر ياخدها و بردوا لو اللي بنفكر فيه صح هتبقي في خطر معاه حسان طول الوقت مشغول

ليله……يبقي مفيش غير حل واحد انك تاخدي اجازه من الشغل كام بوم و تفضلي معاها في البيت لحد ما امها تطلع