لقاء كارثي

نعيمه….وانا كمان و استغربت لان امبارح كنا قاعدين و مقالتش حاجه و لا جابت سيره انها عايزه تجمعنا و نزلت وهي نايمه معرفش حصل ايه معاها

سلمي…..هي بتقول عايزه تاخد راينا في حاجه يمكن حاجه للفرح ان شاء الله خير يعني و بعدين صوتها كان عادي مش قلقان يعني

ايمي….هي صوتها كان عادي فعلاً بس مش عارفه قلقانه

ايه….ان شاء الله خير يمكن زي ما سلمي بتقول عايزه تاخد رأينا في حاجه هي فين كل ده

نعيمه…..قالت هتاخد شاور و تنزل اكيد نزلت

نادين……استنوا اكلمها كده

ايمي….طيب صحيح تشربوا ايه نسيت اسألكم

سلمي….ولا حاجه احنا فطرنا و نزلنا اصلا

ايمي….مليش دعوه هتشربوا بردوا

نعيمه….استني لما ليله تيجي نبقي نشرب

نادين…..انتي فين يا لولي

ليله…..قربت عليكم خلاص

نادين……طيب يا قلبي احنا كلنا هنا و مستنينك

ليله….ماشي يا روحي عشر دقايق و ابقي عندكم

نادين….ماشي علي مهلك

ليله…..حاضر يلا باي

نادين…..باي

ايمي…..ايه قربت

نادين….ايوه عشر دقايق و تيجي

ايمي…..تمام ايه اخبار البيت مع حسان يا سلمي

سلمي…..طالع عينه والله يا ايمي

ايمي…..طبيعي رشيد كان متمرمط هو كمان وقت ما كان بيجهز بس اللي نفعه و مبهدلوش اوي انه قعد مع حسان انما حسان يا عيني قاعد في نفس البيت

سلمي…..اه فعلاً عشان كده هو كان عايز ياخد اي مكان حتي لو شهر

ايمي…ربنا يعينه و يخلص علي خير انا بس عايزه اعرف اخوكي ازاي شغال عندك و عند ايه و عند نادين

سلمي….اهو تامر بقي طالع عينه اكتر من حسان عايزه اقولك اني مش بشوف تامر من وقت ما رجعنا غير صدفه لا بينزل قبل ما اصحي يا بيرجع واحنا نايمين لو صحيت بليل صدفه بشوفه

ايه……بصراحه تامر تعبان الفتره دي اوي و خس خالص

سلمي…..اه لسه حسان بيقولي تامر تعبان و خاسس

نعيمه……طبيعي شغال في ثلاث شقق و عمال يلف من مكان لمكان عشان يتابع الشغل الله يعينه هو كمان

ايمي….ان شاء الله تخلصوا علي خير يارب و انتي يا حزينه فضل عامل ايه

نعيمه….طالع عينه بردوا بس عشان البيت قريب من شغله و بيت اهلوا مش متمرمط كده كمان اخواته معاه فا الموضوع سهل شويه

ايمي….والله تشطيب البيت مش سهل و لا حاجه كله متعب كفايه انه يفضل طالع نازل يتابع الشغل دي لوحدها تهلك

سلمي….عندك حق والله