لقاء كارثي

ليله…..عشري بجد حرام البيت مش محتاج اي حاجه بطل نكش فيه

عشري…..اطلعي منها انا مبسوط كده و بعدين انتي المرادي جايه البيت بصفه رسميه و بمزاجك تفتكري مش هعمل اي تغيير جديد

ليله…..ايوه بس يعني حرام بجد البيت عاجبني كده و جميل و مش محتاج اي تغيير

عشري…..بس شوفتيه قبل كده و انا عايزك لما تيجي تحسي انه في تغيير

ليله…..بابتسامه ماشي يا سيدي لما نشوف اخرتها معاك

عشري….هتنزلي امته لايمي

ليله….شويه كده بتوع الصيانه جايين يشوفوا السخان لما يخلصوا هنزل

عشري… نعيمه معاكي

ليله…..لا مع نادين في المخزن

عشري….اتصلي بالبواب يطلع يقف معاهم متقفيش لوحدك

ليله….حاضر هو غالبا جاي واحد بس

عشري…..ان شاللله يكون نص واحد متقفيش لوحدك

ليله….حاضر هكلموا بس لما يقربوا هيطلع الوقت يعمل ايه

عشري…..ماشي خلصي و كلميني علي طول

ليله…..ماشي يا حبيبي يلا باي

عشري…..باي

قفلت ليله و سابت الموبايل و فضلت تفكر تعمل ايه في موضوع مريم كانت مشغوله و من امبارح عماله تفكر و اول مره متبقاش عارفه تقرر خايفه متقولش و في نفس الوقت خايفه تقول تقلقهم علي الفاضي و مرعوبه من عشري يعمل مصيبه للنه مش بيفكر و اصلا موضوع مريم بعد اللي حصل بينه و بين ليله خلاه مستنيها علي غلطه

و كانت بتفكر تقول لايمي عشان تخلي بالها بس كمان خابفه تقلقها و توترها فضلت تفكر تعمل ايه بس اخيراً خدت قرار انها تقول للبنات و تشوف رايهم ايه لانها مكانتش قادره تفكر لوحدها..

فاقت من شرودها علي صوت الموبايل ردت و عرفت ان بتوع الصيانه وصلوا قفلت معاهم و اتصلت علي ابو امير الحارس بتاع البيت و طلع معاهم علي فوق فتحتلهم و دخلتهم و قالتلهم المشكله اللي في السخان و فضلت واقفه بعيد .

مسكت الموبايل بتاعها تبعت مسدچ للبنات علي الشات اللي بينهم قبل ما ينزلوا مشاويرهم و شغلهم تلحقهم.

ليله….صباح الخير يا بنات بقولكم ايه.
انا عيزاكم ضروري في موضوع مهم
ياريت اشوفكم عند ايمي قبل ما تروحوا شغلكم

سلمي….صباح الخير يا لولي في ايه؟

ليله…..لما تيجي هقولك انا قولت بس الحقكم قبل ما تنزلوا

سلمي…..لا متقلقيش انا اجازه انهارده عندي مشوار مع حسان علي الساعه خمسه كده يعني فاضيه

ليله…..طيب تمام و ايه

سلمي….ايه لسه منزلتش كانت هتنزل متأخر انهارده علي اربعه مثلا معندهاس شغل كتير بردوا