لقاء كارثي

البنت….تحب تجربي الطرح

ليله…..تمام

المصمم شافها و ابتسم

المصم…..ولا غلطه و من رايي متجربيش الباقي

ليله…..بلمعه تجنن في عينها لا خلاص مش هجرب هو ده

دخلت البنت عليهم تاني و فضلوا يجربوا الطرح لحد ما اختارت طرحه فيهم اللي رشحها ليها المصمم

بعد ما خلصت غيرت هدومها و صورت صدر الفستان من فوق و بعتت صورته لعشري و هي بتحاول متظهرش شكله .

ليله…..بص بقي الفستان ده اكتر فستان عجبني هو ده اللي كنت بدور عليه و ده شكل الصدر بتاعه و مش هينفع يتلعب فيه عشان التصميم بتاعه كده ايه رايك؟؟؟

بعتت الرساله و فضلت تبص علي الفستان ثواني و اتصل عليها.

عشري…..بهدوء ابتسم طيب مش قادره تصوريه باقي الفستان او تصوري نفس الجزء ده بس وانتي لبساه

ليله….بضحكه جميله لا هو ده اخرك معايا قولي بقي ايه عاجبك

عشري…..المهم يكون عاجبك انتي انا لو عليا عايز البسك لبس بدوي و اخبيكي عن عيون الناس كلهم

ليله…..بضحك لا متخليش املك كبير اوي كده فيا هو من ناحيه البدوي فا ناهوش علاقه خالص بالبدوي انا وريتك اهو شكلوا عشان مترجعش تزمر

عشري….بضحك ما المشكله انه مش باين هيبان تكتر لو لبستيه

ليله….لا ماهو انا مش هلبس و ده اخرك معايا قولت ايه خلصني

عشري….امري لله يا ست العرايس و ربنا يستر

ليله….والله حلو اوي

عشري….عارف انه اكيد حلو انا بتكلم علي انه عريان من فوق

ليله…..طب اعمل ايه اكنسل

عشري….بقولك ايه هو عاجبك

ليله….اوووووي يا عشري يجنن

عشري…..خلاص مبروك عليكي

ليله…. بابتسامه بحبك يا بلطجي

عشري….انا بموت فيكي يا قلب البلطجي

ليله….طيب يلا امشي بقي خليني اقولهم تمام.

عشري…ماشي خلصي و كلميني.

ليله…..حاضر يلا باي.

بعد وقت بسيط كانوا اخيراً خلصوا كلهم الساعه كانت واحده. بقالهم ست ساعات بيختاروا وصلوا سبعه و خلصوا علي واحده.

ايمي……انا كنت عايزه اشوف

نادين….وانا كمان

ليله….بابتسامه خليها مفجأه

نعيمه….المهم عاجبك

ليله…..اوي بجد يجنن

تقي…..لولي فستاني حلو

ليله…..يجنن ملكم تجننوا والله العظيم كل واحده فيكم مختاره الفستان اللي شبهها اوي

ايمي….بنات في اي حد محتاج فلوس امنيه ريهام نسوم تقي اي حد منكم انتوا كمان

ريهام ….لا يا قلبي انا هلصت خلاص من بدري و مستنياكم