لقاء كارثي

ايمي….طيب مامعاه حق صحيح هما قاعدين في اللجنه مستنين و هو متأخر

نعيمه…..ايوه بس نص ساعه فاتت كان اتنيل سكت بقي وخلص اهو بسبب اللي عمله ده شال ذنب الكل

نسمه….لا خالص هو ملهوش ذنب ده كان بيدافع عننا

نعيمه….طيب ادام معاه حق زعلانه ليه بقي علي الماده و بتشتكي

نسمه……زعلانه عشان تعبت يا نعيمه و عشان ده مجهود ترم بحاله و كنت ضمناها و مقفلاها زعلانه عشان حاسه اني اتظلمت انا وزمايلي و اللي ضاع مني في الوقت ضاع من الكل حتي الولد اللي اعترض و علانه عشان خايفه اشيل الماده يا نعيمه و دي اخر سنه ليا و نفسي اخلص و بعدين انا مش بشتكيلك انا كنت بتكلم مع تقي

بصت ايمي لنعيمه و برقتلها

ليله…..نسمه انتي عملتي اللي عليكي يا قلبي و اكيد ربنا مش هيضيع حقك وتعبك و اياً كان اللي هيحصل خير و ربنا كاتبه متفكريش بقي في اللي فات و ركزي علي اللي جاي

تقي….انتوا مش عملتوا شكوي ان شاء الله يتصرفوا فيها و يدوكم حقكم

نادين…..متزعليش يا نسوم خير والله

ايه….بضحك بت فكك والله هتنجحي و هتجيبب تقدير كمان و ان شاء الله الدكتور ده مراته تنكد عليه

ضحكت نسمه و ضحكوا كلهم

ايمي…..انسوا بقي اي نكد و خلينا يلا نروح نشوف الفساتين عايزين نفرح ابوس صوابعكم عشان بدأت احس ان ليله و عشري منحوسين علي راي ميدو

ليله…..بضحك بعينكم تبوظوا سمعتي يلا قدامي منك ليها

دخلوا علي مكان كبير يعتبر من اشهر اماكن مصممين الازياء و اللي ديما بيحبوا يتعاملوا معاهم في كل مناسباتهم.

و دخلوا علي جوه الفساتين كانت تجنن و اول حاجه لفتت نظر الكل فساتين الزفاف لانها كانت في الوش

ايمي…..بقولكم ايه انتشروا بقي و كل واحده فيكم تعيش كده واللي يعجبها فستان تفرجنا و انتي يا عروسه يلا تعالي عشان تختاري.

ليله….طيب خليني انا في الاخر و اختاري يلا و انا معاكي كده عشان لو تعبتي ترتاحي

ايمي….انا لا تعبانه ولا نيله انا زي الفل و هتفرج معاكي لو عجبني حاجه هدخل اقيسها يلا تعالي بقي

ابتسمت ليله وراحت قربت من الفساتين و قلبها كان عمال يدق و مبسوطه من جواها و هي شايفه قدامها فساتين كتير ..

كان في بنات في المكان بيحاولوا يساعدوهم كلهم و اتنين منهم ماشين وراء ليله و ايمي مستنينها تختار

ليلـه كانت واقفة في النص باصه حواليها، الفساتين حوالين منها من كل ناحية وكل فستان أحلى من اللي قبله