لقاء كارثي
لقاء كارثي
ريهام……حبيبتي يا حنون خلاص انا هروح اقول لايمي اني هروح معاهم
حنان…..ماشي يا حبيبي يلا بالسلامه
ريهام….سلام
قفلت ريهام معاهم واتصلت علي ايمي قالتلها انها هتيجي معاهم و اكدت ايمي عليها تاني المعاد وبعدين قفلت.
محمود….ايه هتروح
ايمي…..بابتسامه اه هتروح يا سيدي
قوم بقي ناملك شويه عشان تبقي فايق
محمود…..بابتسامه هي امك بتعمل ايه مع چوي
ايمي….بضحك بتحكيلها قصه حياتها هي وابوك
محمود….بضحك و فهماها بقي چوي علي كده
ايمي…..بضحك و الله ما عارفه عماله تهز راسها فكرتني بيونس الشلبي في مسرحيه العيال كبرت عامله انها فاهمه
محمود…..بضحك هي بتهز راسها ليه صحيح
ايمي….ضحكت بقولك ايه اسكت خلينا نسمع بيقولوا ايه
ماريز….بس و اتجوزت بقي انا وعمك حماده و مقولكيش بقي عن فرحته لما عرف اني حامل في ايمي
بس انا مكنتش عارفه اتعامل معاها خالص كنت حاسه اني مش عارفه اتصرف عامله زي العروسه اللعبه
و خايفه احركها و لا بقي لما كانت تعيط من غير سبب او تتعب افضل اعيط جنبها هي تعيط وانا اعيط
اصل زمان مكانش في تليفونات مكنت بعرف اوصل لعمك حماده و هو كان بيبقي في شغله كنت افضل مستنياه قدام الشباك لخد مايرجع واول ما اشوفه جاي اجري عليه واعيط يقولي طيب متصرفتيش ليه
اعيط واقوله مش عارفه اعمل ايه
بس عارفه طول عمرك تظبطي عليه الساعه مواعيده مظبوطه بشكل كانت الساعه تيجي سته بالظبط ابص الاقيه بيخبط لا دقيقه زايده ولا ناقصه كان يقولك الراجل الصح تعرفيه من مواعيده و هو صراحه مواعيده كانت مظبوطه ولحد الوقت
محمود…..بضحك بص لايمي هي چوي عينها نعسانه ولا بتنام
ايمي…..بضحك دي بتنام امك جابلتها غيبوبه
محمود…..هموت منها والله حاسس ان چوي مش فهماها
ايمي…..بضحك زوزو زوزو
بصتلها مايرز وهي عماله تعمل تريكو
ايمي….بضحك انتي بترغي في ايه البت نامت منك
ماريز…..شوفي البت انا واجعه قلبي و عماله احكيلها عن قصه حياتي سابتني ونامت
ايمي…..بضحك دي قربت تصحي يا زوزو و بعدين انتي متخيله انها فهماكي
ماريز…..انتي مش قولتي بتفهم عربي
ايمي….. بضحك اه بتفهم بس انتي نستيها العربي ايه الرغي ده و بعدين مش هتبطلي يا زوزو تدلقي اللي جواكي كده لاي حد
ماريز…..ماهو انا حكيتلها قصه حياتي مع ابوكي قبل الجواز لما حبتيها اول مره و روحتي لايه القسم و قولت اكملها بقي باقي القصه
