لقاء كارثي

تقي…..وهي قاعدة على الأرض
أنا بقترح نعمل الفرح هنا وخلاص.

سلمي…ااااا لا أنا خلاص رجلي أعلنت الإضراب مش قادره.

ايمي…..بقول ايه قوموا يلا اخلصوا لسه بدري يلا

نعيمه…..انا مش قادره فرهدت من كتر ما بقلع و بلبس

ايمي….معلش خلينا نخلص بقي يلا قوموا هتكسلوا ليله

نادين……هي قاست حاجه اصلا احنا اللي عمالين نقيس وهي لسه مقاستش ولا فستان

ايمي…..معلش خلوها تختار براحتها يلا بس عشان لما تلاقينا اختارنا تتحمس و تختار.

قاموا تاني و بدأوا يلفوا و بقوا طالعين نازلين في المكان كله و شويه و البنات اللي شغالين جابولهم
تصاميم لسه مش معروضه من الفساتين الجولد علي شماعات كتير

و بدأوا يختاروا و يدخلوا يقيسوا..

ليلـه عجبها حوالي ثلاث فساتين و دخلت اخيراً عشان تقيس و اول ما قاست اول واحد بصت لنفسها في المرايا كانت زي القمر خرجتلهم

الكل ابتسم و اللي اتاثر كان شكلها حلو بجد بس مكانتش مقتنعه اوي بعد ما قاست دخلت تغير و خرجت و دخلت تاني و خرجت و رجعت اختارت غيره وبقت تقيس لحد ما فرهدت خرجت قعدت بره علي الارض حوالين الفساتين.

قربت ايه منها و هي جايبه الكاميرا عليها و بتضحك.

ايه….بضحك ليله

بصت ليله عليهم و ضحكت

ليله……انتي بتصوري صح اه يا اوطي من الرصيف

ايه…..بضحك انتي قاعده كده ليه

ليله….سيبينيبدل ما اعيط والله مش قادره

ايه…..بضحك هطلعك مسرح بمنظرك ده وابعتها لعشري قوليلوا كلمه

ليله…..طلعيني مسرح واعملي اللي يعجبك حظك اني مش قادره اقوم اجيبك من شعرك

ايمي….بضحك انتي قاعده كده ليه صحيح أعلنتي الاستسلام

سلمي……حقها بصراحه انا مش قادرة أحدد أضحك ولا أعيط

نسمه….احنا قسنا فساتين أكتر ما قسنا هدوم طول عمرنا

نعيمه قعدت جنب ليله وهي بتنهج.

نعيمه…..بقولك ايه هو الفرح هنبقى واقفين عشان أبقي عامله حسابي بس

ليله….بضحك ارهاق اه البسي شبشب بقي في رجلك

نادين….اللي يدخل علينا الوقتي هيحسبنا بنصور إعلان

ريهام …..رفعت فستان من الأرض
مين قال إن الأبيض لون واحد؟ ده في مليون درجة أبيض

أمنيه…. وهي بتضحك وأحنا شفناهم كلهم تقريباً

ليلـه….. رفعت راسها وبصتلهم قوموا قوموا خلونا نكمل طلاق تلاته ما همشي من هنا غير واحنا مختارين انا مستحيل اكرر التعب ده تاني

قاموا تاني و بعد وقت من التعب و الارهاق و الفرهده اخيراً بدأ البنات يستقروا و يختاروا كان شكلهم يطير العقل كل واحده فيهم اختارت الفستان اللي يشبهها.