لقاء كارثي

ليله….. بالعكس في حجات حلوه اوي .

عشري…طيب امال ايه بصي انتي لو مش مرتاحه تقدري بكره تروحي مكان تاني لسه في وقت

ليله….عشري المكان هنا افضل مكان انا بتعامل معاه انا و البنات و يمكن لسه مشوفناش ربع الفساتين الموجوده حتي لانه كبير جدا بس المشكله ان في حجات بتعجبني ولما بلبسها مش بحبها عليا او بحس انها مش مريحه في فساتين تجنن بس مش ذوقي يعني اوڤر جدا و في هادي زباده عن اللزوم تحسه فستان عادي جدا ينفع اي مناسبه عاديه وفي حجات بجد عجبتني و ذوقي بس مكشوفه خالص

عشري…..مكشوفه ازاي يعني اوڤر اوي

ليله…..يعني يا عشري اه

عشري….طيب ما تصوري كده اللي عاجبك و من غير يا ستي ما تقيسي
او علي الاقل صوري الجزء المكشوف اشوفوا كده

ليله…….ماهما خدوا كل ده و رجعوه مكانه تاني عشان المكان ميبقاش زحمه و بصراحه معرفش راحوا فين

عشري…طيب اسمعي بعني هما مكشوفين اوي زي الفستان اللي كنتي لبساه كده

ليله…..فستان ايه؟

عشري….اللي كنتي لبساه في فرح امنيه مكانش في ضهر و الدنيا كانت خربانه خالص

ليله….بابتسامه يعني في زيه و في خربان من قدام و في عجبني اوي بس هو من تحت القماش بتاعه لون الجسم فا صعب خالص

عشري….طيب و العمل

ليله….مش عارفه هشوف اخر فستانين و هقرر

عشري….ماهو انا برضو مش عايزك تجيبي اي حاجه و خلاص عايزك تكوني مقتنعه و بعدين ممكن تكوني تعبتي كمان و متبقيش مركزه فا انا رأيي كفايه كده و نشوف بكره مش لازم تنزلي تختاري من اول يوم و اكيد احنا كنا عارفين ان ده مستحيل وبعدين انا شاكك ان مفيش حاجه في المكان عجباكي حتي البنات خدوا وقت لحد ما اختاروا

ليله…..مفيش وقت يا عشري لبكره خلاص الكلام ده كان ينفع من عشر ايام او عشرين يوم كان ممكن انزل مره و اتنين و تلاته لحد ما اقرر بس خلاص فاضل خمس ايام و البنات خدوا وقت لان كل واحده فيهم اختارت اكتر من واحد عاجبها و مش قادرين يستقروا

عشري……طيب المكشوفين دول ملهمش حل بما انهم عاجبينك

ليله…..مش عارفه هشوف انا تعبت اصلا خلاص

عشري…..طيب بصي يا روحي يعني شوفي كده ولو خلاص الدنيا قفلت معاكي اختاري اللي يعجبك

ليله….. بابتسامه اممممم و ترجع تزمر يا بلطجي لما تتفاجئ بالفستان

عشري….بضحك مش هزمر متقلقيش انا مش عايز اخنقك ولا اقيدك بحاجه و اكيد مش حابب انك تلبسي حاجه اوڤر اوي بس نشوف يمكن ليها حل بسيط بيتهيألي يقدروا في المكان يظبطوا ده