لقاء كارثي

سلمي….بضحك ياروحي مش قولتلك هتاخد بالها منك شويه بقي وتشد داليدا حيلها و هيتفقوا عليكي

علا…..بتقولي فيها هنا طول الوقت بتقولي حضرتك اللي بتخليها تعيط

سلمي…..ربنا يخليهم لبعض يارب و يخليكي ليهم

علا……اللهم امين طمنيني ايه عامله ايه

سلمي……بخير الحمد لله انا اصلا بكلمك عشان كده بجد شكرا يا علا علي اللي عملتيه مع ايه

علا……شكرا علي ايه يا بنتي و بعدين انا معملتش اي حاجه اصلا

سلمي….كفايه انك لما عرفتي اللي حصل من هنا خلتيها تبجي مكان زي ده و تحكي اللي شافته و بسببها الحمد لله لقوا الحقنه وايه خلصت من المشكله دي و كمان الولاد ملاقوش مهرب و اعترفوا

علا……اللي عملتوا ده طبيعي يا سلمي مش محتاجه عليه شكر ابداً اكيد مش هعرف حاجه زي دي و اسكت و بعدين ده جزء بسيط من اللي عملتوا مع هنا

سلمي….متقوليش كده احنا معملناش حاجه مع هنا دي كانت في بيتها بس صدقيني موقفك ده كبير عندي اوي و وقفتك مع اختي بجد كبيره

علا…..خالص والله يا سلمي اكيد اي حد في مكاني كان عمل كده واكتر انا والله لو كنت اقدر اجي اطمن عليها بنفسي كنت عملت كده انتي مش متخيله هنا بتحب ايه قد ايه و كانت زعلانه عشانها

سلمي….ايه كمان بتحبها اوي والله

علا….انا مش محتاجه شكر يا سلمي المهم ان ايه بخير و بعدين احنا بقينا اهل يعني اللي يوجعكم يوجعني ولا ايه

سلمي…. بابتسامه اكيد طبعاً

علا…….ربنا ما يحيب اي حاجه وحشه تاني ابداً

سلمي….يارب الاهم امين انا مش هطول عليكي بقي بوسيلي هنا كتير و بوسيلي داليدا كمان لحد ما اجي ازورك باذن الله و اباركلك علي خروجك بالسلامه

علا….تنوري اي وقت يا روحي

سلمي…..حبيبتي يا علا يلا خدي بالك من نفسك و من الولاد

علا….حاضر يلا باي يا روحي

سلمي….باي

دخلت ايه علي سلمي.

ايه….لومي لومي لومي لومي

سلمي…ايييييييه سارينه نعم

ايه….كان في بديهات و تشيرتات جبتهم من نادين و نوني اخر الصيف اللي فات مش لقياهم

سلمي…..يعني ايه مش لقياهم شوفيهم في الدريسينج

ايه….ما انا اكيد شوفت

سلمي…..طيب شوفيهم في الصيفي
اللي فوق

ايه……ما انا مش عارفه اطلع لوحدي

سلمي…..استني هاجي اشوفلك بس انتي هتلبسي صييفي يا ايه هتبردي و مناخيرك هترجع تقفل

ايه…..الجو حر