لقاء كارثي

ليله….طيب سايسيه معلش هو صغير و دي اكتر حاجه بيحبها و فكره انه مش بيروح عشان تعبتن تكيد ماثره عليه

قمر….عارفه بس اعمل ايه معنديش حل

ليله….لا في حل

قمر….ايه هو بقي اخليه يقعد من السباحه مستحيل عارفه لو هو كارهها هقول ماشي ومش هجبره انما هو يقولي العب الاتنين بس لو مش هلعب كوره مش هلعب سباحه

ليله…..طيب تمام بصي خليه يلعب كوره و عرفي الكابتن انك جيباه بس عشان رفضك للعبله ميأثرش علي نفسيته و يحسسه انه تعبان خليه يتمرن تمارين بسيطه لحد ما الاجازه بس تيجي و تعملي العمليه بتاعته

اميمه…..اه يا قمر عرفيه انه ميشدش معاه في التمارين و كده كده هو لسه هيبقي بيبدأ و عمره ما هيلعب ماتشات الوقت

قمر…..اقول ايه عليك ياعمر

ليله…..ولا حاجه عيل و حابب حاجه فرحيه و متبقيش اوڤر خليه يحس انه عمل اللي بيحبه و في نفس الوقت من وراه عرفي الكابتن انه ميشدش

قمر…ماشي يا ليله اما نشوف اخرتها مع استاذ عمر اللي ممشي الكل علي مزاجه

ليله….بضحك يعيش و يمشي الكون كله علي مزاجه و بعدين يا اختي لو مش عاجبك اخده

قمر…..انتي ايه اللي جرالك العيال كانت بتخاف منك و بتسمع كلامك هتبوظيهم الوقت بدلعك

ليله…..بصراحه الواد معاه حق ده انتي رهيبه يا شيخه لو غلطان هقول انه غلطان بس ده طفل حاسس انه مش عارف يعمل الحاجه اللي بيحبها و مش مقتنع بكلامك خدي بالك انه هيتعب و مجهود عليه لانه شايف انه بيبذل المجهود ده في السباحه و شايف ان ده مش خوف منك ده تحكم. وعشان كده بيقولك بلاش سباحه اروح كوره بيوفر المجهود من وجهة نظره و هاتي بقي الف عقل علي عقله مش هيقتنع

قمر….بضحك مش بقولك طالعلك

ليله…..قلب خالته بقولكم ايه بقي انتوا مش ناويبن تنزلوا تجيبوا الفساتين

قمر…..انزل تاني بعد اللي حصل انا كرهت الشارع

ليله….بطلي هبل انا هنزل انهارده و بكره ان شاء الله خدي اميمه وروحوا اشتروا اللي ناقصكم و هاخد انا علي و عمر و نوح و نقعد عندي او نخرج

قمر…..عندهم تمارين كلهم بركه اصلا

ليله….خلاص هروح معاهم و انتوا روحوا في وقت تمارسنهم هاتوا حاجتكم

اميمه…..لا خليكي انتي في اللي انتي فيه بكره بعد تمارينهم هنروح مع بعض كده كده هما كمان هيشتروا بدلهم خلينا نخلص بالمره

ليله…ماشي زي ما تحبوا عموما لو مش حابين تروحوا بيهم عشان تبقوا براحتكم انا موجوده عرفوني بس