لقاء كارثي

ليله…..طيب انا هشوف كده و ربنا يسهل انت خلصت

عشري…..انا اول واحد فيهم مخلص اصلاً و اغلبنا خلصوا بس بيظبطوا البدل عليهم اللي بيضيق واللي بيقصر كده يعني

ليله…..ماشي يا حبيبي هشوف هعمل ايه و اكلمك

عشري…..تمام يلا باي

ليله….باي

فضلت ليله قاعده مستنيه و عماله تتفرج تاني مع البنات علي فساتينهم
و تشوف ايمي و تبتسم و هي لابسه فستان و زي القمر و البنات بيظبولها شكلها في المرايه

و لمحت المصصم جاي من بعيد مع بنتين معاهم الفساتين و احد فيهم من الاول لفت نظرها لونه زي ما كانت بتفكر فيه بالظبط فضلت باصه عليه و من جواها بتتمني يطلع زي ما بتتمني و يكون مش عريان اوي .

المصمم قالها تيجي راحت عليه و وقفوا بعيد شويه عن البنات و الزحمه.

المصمم….بصي هما تلاته مش اتنين تمام شوفي اللي يعجبك و ادخلي كده بهدوء قيسي مع البنات و انا واثق انهم نفس المواصفات اللي في دماغك.

ليله….بأبتسامه انا تعبتك معايا اوي و تعبت البنات كمان

المصمم…مفيش اي تعب المهم تخرجي من هنا وانتي مقتنعه و حابه الفستان و انا معاكي لحد ما تقرري

ليله…..بصت علي الفساتين و خلاص هو اكتر واحد عجبها طيب انا عايزه اشوف ده

المصمم…بابتسامه كنت واثق لانه اكتر لون قريب

ليله…..فعلا انا لفت نظري لونه من الاول

المصمم….بصي الجزء ده بيتفصل و كمان ليه جزء تالت بيتركب فوق ده

ليله….بس كده هيبقي تقيل اوي بيتهيألي كفايه يكون طبقتين

المصمم…..الطبقه الثالثه شيك جدا و ده مش هتفضلي لبساه يعني مجرد بس دخولك المكان او ظهورك انتي قولتي الفرح في الهرم و صدقيني هيكون الشكل مناسب و مثالي اوي

بعد كده بنفصل الجزء الثالث و الثاني لو حبيتي بتفضلي بس بالدريس و الطرحه كمان في كوليكشن طرح تجنن عليه قصير اوي ولحد الضهر وفي اطول و في واخده طول الفستان و بردوا بعد كده لو حابه تفكيها بتعملي كده

ليله….بسعاده طيب ادخل اشوفه الاول

المصمم….تمام يلا

دخلت ليله مع البنات لبست الفستان و بعدين لفت وشها وشافت نفسها في المرايا صدرها كان عمال يطلع و ينزل من كتر ما قلبها كان بيدق اتخطفت و حست ان هو ده

بنت من البنات قالتلها لو تحب تخرج تفرجهم و تاخد رأيهم.

ليله….بهدوء لا انا خلاص قررت هاخد الفستان ده

ابتسمت البنت و فضلت لياه واقفه تبص علي نفسها و خدت نفس عميق حركت ايدها بهدوء علي جسمها و هي بتشوف الفستان