لقاء كارثي

سلامه….لا مفيش

عسال….طيب روح معلش للزبون اللي هناك ده

سلامه….ماشي خلص وهات الموبايل

عسال….تمام ايوه ريهام

ريهام….عامل ايه

عسال….بخير يا حبيبتي انتي اخبارك ايه

ريهام….انا كويسه بص انا قولت لسلامه بس هقولك بردوا

عسال….تقوليلي ايه

ريهام….ايمي كلمتني وقالتلي ان هي والبنات هيروحوا يجببوا الفساتين مع بعض و قالتلي اروح معاها

عسال….وبعدين

ريهام….مفيش وبعدين انا باخد رايك

عسال….بضحك بتاخدي رأيي في ايه يا هبله روحي معاهم طبعاً ده هما كلهم نازلين واكيد هتتبسطي

ريهام …اه ماهي قالتلي كلهم نازلين

عسال…طيب يا قلبي روحي علي الاقل عشان تخلصي انتي كمان من المشوار ده

ريهام….ماشي يا حبيبي

عسال…..هبعتلك مبلغ الانستا خليه معاكي و لو احتاجتي اكتر عرفيني هحولك علي طول

ريهام….لا استني انا مش بقولك عشان الفلوس و سلامه اصلا قالي هيبعتلي الوقت

عسال….عارف انك مش بتكلميني عشان الفلوس اكيد بس خليهم معاكي عشان يبقي معاكي كفايه و متبقيش محروجه و محدش يدفعلك

ريهام….بابتسامه اكيد محدش هيدفعلي متقلقش و بعدين انا معايا اصلا من غير ما تبعتولي

عسال….معلش خليهم زياده ياستي

ريهام….بابتسامه ماشي يا حبيبي

عسال……ماشي يا قلبي خدي بالك من نفسك

ريهام…..حاضر يلا باي

عسال….باي

قفلت ريهام وهي مبتسمه وبعدين اتصلت بحنان

حنان…..حبيبه ماما

ريهام…..حنون حبيبتي عامله ايه

حنان….زي الفل

ريهام….كلتي ولا لا

حنان….اه كلت انتي كلتي

ريهام…..انا من ساعة ما فطرت شبعانه والله المهم بتعملي ايه

حنان….ولا حاجه كنت بصلي و لسه قافله مع مصطفي بيقولي ان ليله راحت عنده تباركلوا و مبسوط اوي بنت حلال والله في عز اللي فيها منستش مصطفي

ريهام…..ليله جميله وطيبه اوي

حنان….اه والله ربنا يسعدها ويجعل ايامها كلها هنا وسعاده

ريهام…الاهم امين بقولك ايه انا هنزل معاها هي والبنات هير حوا يشوفوا الفستانين ايمي ليه مكلماني وقالتلي اروح معاهم

حنان…. بابتسامه طيب روحي معاهم بس عرفي اخواتك

ريهام….اكيد عرفتهم ياست الكل و قتلولي روحي

حنان…..طيب روحي خلاص و اتبسطي معاهم و شوفي لو عجبتك حاجه بالمره جيبيها

ريهام….ما انا هعمل كده بس قولت اعرفك عشان متقلقيش عليا

حنان…..لا روحي يا حبيبتي ربنا يسعدك يارب