لقاء كارثي

ليله كانت واقفه مع المصمم بتتكلم معاه ..

المصمم…..طيب قوليلي انتي مفيش اي حاجه خالص عجباكي حساه ذوقك

ليله…..بالعكس في فساتين كتير عجبتني بجد بس انا ااا

المصمم….محتاره؟

نعيمه….اكيد محتاره احنا خدنا وقت طويل لان بجد كل الفساتين تجنن

ليله….هو مش موضوع حيره بس.
انا يمكن متخيله حاجه معينه فا مش عارفه اقتنع اوي

المصمم…طيب قوليلي ايه اللي في دماغك و انا اساعدك يعني هقربلك اكتر التصميم اللي انتي حباه.

ليله…..بصت تاني علي الفساتين بهدوء انا عايزه فستان بسيط بس في نفس الوقت شكله جديد مش عيزاه ابيض انا عيزاه يكون اوف وايت حاسه انه هيمشي اكتر في المكان مش عايزه فستان كبير و منفوش او تقيل عايزه لما اتحرك بيه ميبقاش مضايقني او يضايق الناس معايا و كل شويه يظبطوا فيه.

عايزه يعني الديل بتاعه حتي لو طويل بس يكون في جزء بيتفك بعد كده عشان اقدر اتحرك

مش حابه انه يكون اوڤر يعني انا عجبني فساتين كتير اوي بس مكشوفه جداً

المصمم….طيب انا تقريباً عرفت انتي عايزه ايه و في فستانين دول لسه مش معروضين و انا واثق ان فيهم طلبك بالظبط و بالنسبه لموضوع مكشوف اوي دي بسيطه نقدر نظبطها مع بعض وليها حل المهم الاول الفستان يعجبك و بعدين نعمل اي تعديل عليه

ليله….بس هنلحق يعني مفيش وقت انهارده كده ضاع يعني بالظبط قدامي خمس ايام

المصمم…..لا متقلقيش من موضوع الوقت انتي عارفه التيم هنا خليه نحل انتي لو معجبكيش الفستانين اللي هتشوفيهم الوقت و حابه تصميم معين في دماغك اشرحيه هرسمه عالورق و هيتنفذ يومين بالظبط و يبقي خلصان

ايمي….طيب حلو اوي ده شوفيهم الاول و لو محستيهمش الموضوع سهل اهو وبعدين انا نفسي جربت كذا مره بصراحه بيسعفوني حرفياً

ليله….طيب خلينا نشوفهم الوقت

المصمم…..اديني شويه وقت و راجعلك

ليله…..تمام اتفضل.

نعيمه……لولي امسكي كلمي عشري

ليله….ايه ده هو بيتصل عندي؟

نعيمه…..لا لا فضل كان بيكلمني خدي

ليله……ايوه يا عشري

عشري….ايه يا حبيبي

ليله….بعدت عنهم شوبه انت بتتصل عندي ولا ايه

عشري…..لا انا قولت لفضل يقول لنعيمه لو ليله فاضيه يديهالي قوليلي ايه الاخبار لسه مختارتيش حاجه

ليله….لسه والله

عشري…..ليه كل ده احنا نزلنا بعدكم و غالباً بنخلص خلاص مفيش حاجه عجباكي