لقاء كارثي
لقاء كارثي
نسمه……ميرسي انت كمان شكلك حلو
سليم…..ايه اتكسفتي ليه انا بقول الصراحه
نسمه….بضحكه هاديه متكسفتش
سليم…..امال متوتره ليه كده
نسمه ابتسمت وفضلت تحرك ايدها علي شعرها و مش عارفه ترد عليه
سليم……طب خلاص خلاص سيبي شعرك هيتقطع مش هتكلم تاني بس برضوا شكلك زي القمر
عملت قلب علي كلامه و بصتلوا بهدوء و ابتسمت و بعدت عينها بسرعه
ابتسم سليم و عدل نفسه و بص عليهم.
……………
رشيد…..القمر بتاعي شبع
ايمي……انا كلت كتير اوي
رشيد….بالف هنا يا عمري عايزه حاجه تاني
ايمي……لا خلاص انا كده تمام بس عارف نفسي في ايه اوي
رشيد…..قولي يا قلبي
ايمي…..امممم هتتعصب هو يعني مجرد كلام
رشيد…اممممم سيجاره !
ضحكت ايمي وباسته من خده بهدوء
رشيد…بابتسامه والله عارف اني كنت هسمع الجمله دي في اي وقت
ايمي…..هو انت يعني شوفتني شربت انا بقولك علي اللي نفسي فيه
رشيد…..ماشي قولي براحتك بس مش هتتعمل اكيد
ايمي……ماهو انا مش هعمل يا رخم
رشيد…..تقومي بالسلامه وتخفي خالص و بعد كده اعملي اللي انتي عيزاه و برضوا هيبقي مش كتير بعد كده المفروض اصلا الفتره دي تخليكي تمنعيها خالص
ايمي…..ماشي يا رخم
رشيد…..قال سيجاره قال فاهمك انا
ايمي…..بابتسامه برضوا رخم
مسكت ايده عضتها
رشيد …بضحك اه اه با بنت العضاضه انا مالي ولادك السبب
ايمي…..انت وهما رخمين وانت اكتر عشان فرحان فيا
رشيد…..انا خايف عليكي و عليهم والله حرك ايده علي العضه
ايمي…..وجعتك
رشيد….شايفه ايدي يا عضاضه مبتشبعيش عض
ايمي…..تؤ تؤ بحب العض
رشيد….بابتسامه سافاه وانا والله
ضحكت ايمي و نامت في كتفه تاني
ايمي…..مش متربي
ابتسم وباس راسها.
……………
قضوا مع بعض وقت جميل اوي كله ضحك و هزار و حب و سعاده
و انتهي اليوم بكل خير.
الايام كانت بتمر يوم وراء التاني و راء التالت لحد يوم الفرح خلال الكام يوم الباقيين ليله خدت لبس و ميك اب و برفانات و حجات كتير كانت يادوب جيباها و بعتتهم مع نعيمه علي بيتها و سابت جزء بسيط من لبسها في اوضتها زي ماهي .
نعيمه و نادين وايه راحوا ظبطوا الهدوم و كانوا مبسوطين بالبيت اوي …
نسمه و تقي خلصوا امتحانتهم و عدت علي خير معاهم و هما مبسوطين و فرحت نسمه اكتر لما الدكتور اتحول للتحقيق و دكتور الماده اتكلم مع العميد انه هيحط للطلبه الدرجه علي حسب شغلهم معاه طول السنه يعني اللي كان عارف انه بجد مجتهد قرر يديه التقدير اللي يستحقه و يرفع باقي الطلبه و ده خبر فرحها اوي لانها كانت ضامنه الماده و بتحب الدكتور جدا ..
