لقاء كارثي

عمر…..انا اصلا كنت مضايق و من الاول مكنتش عايز انزل و هي نزلتني بالعافيه

ليله….ليه كنت مضايق

عمر…..عشان كنت عايز بابا يكون معانا و ماما صممت انزل و انا مش بحب انزل اشتري حاجه علي كان عايز حجات للتمارين و ماما قالتلي انزل معانا و هخليك تلعب شويه بس هي مش بتعرف تلعبني زيك انتي وبابا بتفضل تشتري و انا رجلي بتوجعني و كنت تعبان مش قادر امشي وهي صممت انزل و لما الراجل قالي تعالي اختار اللعبه روحت معاه لحد ما هي تخلص

ليله…..بتاثر طيب خلاص مت علش ابداً و ماما كمان هنصالحها ومش هتزعل مننا المهم طمني انت رجلك لسه بتوجعك

عمر….ايوه وزوري كمان بيوجعني اصلا ماما مصممه انها تجيب ليا كمان لبس التمرين وانا مش عايز اروح

ليله….طيب ليه يا عمر مش انت بتحب السباحه

عمر…..لا مش بحبها انا بحب الكوره زي علي و حمزه و نوح

ليله….طيب ما هو ينكن عشان الوقت مش هتقدر مع تمارين سباحه

عمر…..مش عايز اروح السباحه و مش عشان الوقت ماما بتقولي مش هتقدر تجري و هتتعب طيب انا بتعب في السباحه و مش بحب الكابتن عشان خاطري يا ليله خليني اروح العب كوره قولي لماما

ليله….طيب ما علي بيروح تمارين السباحه و نوح كمان ايه رايك تعمل زيهم

عمر…..مامت مش هترضي بس كمان انا مش عايز سباحه خالص

ليله……طيب ايه رايك الاول نروح لماما نعتذر و نصالحها ونتكلم معاها في موضوع التمارين ده

عمر…..مش هترضي تصالحني

ليله….لا هترضي تعالي معايا

مسكت ابده ودخلوا علي جوه بصتلوا قمر و بعدت وشها

ليله……ماما احنا جايين نعتذر و نصالحك عمر عرف انه غلط و مش هيعمل كده تاني هو بس افتكر كلامك اننا لازم نساعد اي حدو نقف معاه و منرفضتش مساعدته و هو كان حابب يساعد بس خلاص عرف اننا نساعد بس اللي قدنا و الكبار احنا اللي نساعدهم

اميمه….بهمس صالحيه بقي والله هزعل منك

بصتلوا قمر و متكلمتش

ليله…..يلا يا موري صالح ماما

عمر….انا اسف مش هعمل كده تاني

بصتلوا قمر بتأثر

قمر…..بدموع انت عارف انت عملت فيا ايه عارف رعبتني ازاي

عمر….انا اسف

ليله…..قمر ورحمه امك بطلي عياط انا مش ناقصه خلاص بقي صالحيه والنبي يلا يا موري ادبها حضن

قرب عمر منها خدته قمر في حضنها وهي بتعيط.

قمر…..والله من امبارح مش قادره اتلم علي اعصابي و لا عرفت انام و خوفت اروح مرعوبه من امبارح